वृत्तसंस्था, नवी दिल्ली
वस्तू आणि सेवा कराच्या माध्यमातून (जीएसटी) गेल्या दोन महिन्यांपासून घसरणारा महसुली उत्पन्नाचा आलेख डिसेंबरअखेर सावरला आहे. डिसेंबर २०१७ अखेर जीएसटीची वसुली वाढून ८६ हजार ७०३ कोटी रुपयांवर पोहोचली आहे. नोव्हेंबरअखेर जीएसटीची वसुली ८०,८०८ कोटी रुपयांवर पोहोचली होती.
ऑक्टोबरमध्ये जीएसटीद्वारा मिळालेले उत्पन्न ८३ हजार कोटी रुपयांवर पोहोचले होते. तत्पूर्वी, सप्टेंबरमध्ये जीएसटीच्या माध्यमातून ९२ हजार १५० कोटी रुपये सरकारी तिजोरीत जमा झाले होते. केंद्रीय अर्थमंत्रालयाने दिलेल्या माहितीनुसार २४ जानेवारीपर्यंत जीएसटीच्या अंतर्गत एक कोटी करदात्यांनी नोंदणी केली आहे. पैकी १७.११ लाख करदाते एकीकृत कर योजनेच्या (कंपोझिशन) अंतर्गत मोडतात. या करदात्यांनी दर तिमाहीत रिटर्न भरण्याची गरज आहे. केंद्रीय अर्थमंत्रालयाने दिलेल्या माहितीनुसार डिसेंबरमध्ये ५६.३० लाख जीएसटीआर-3बी रिटर्न दाखल करण्यात आले आहेत.
एकीकृत कर योजनेत येणाऱ्या व्यापाऱ्यांना जुलै ते सप्टेंबर २०१७ या काळासाठी जीएसटीआर-४ विवरणपत्र २४ डिसेंबर २०१७पर्यंत भरायचे होते. याअंतर्गत ८.१० लाख विवरणपत्रे भरली गेली असून याद्वारे ३३५.८६ कोटी जीएसटी जमा होणार आहे. ऑक्टोबर ते डिसेंबर २०१७ या काळासाठी जीएसटीआर-४ भरण्याची अंतिम तारीख १८ जानेवारी २०१८ ही होती. या तारखेला ९.२५ लाख विवरणपत्रे भरली गेली, ज्याद्वारे ४२१.३५ कोटी रुपये कर गोळा झाला.
वस्तू आणि सेवा कराच्या माध्यमातून (जीएसटी) गेल्या दोन महिन्यांपासून घसरणारा महसुली उत्पन्नाचा आलेख डिसेंबरअखेर सावरला आहे. डिसेंबर २०१७ अखेर जीएसटीची वसुली वाढून ८६ हजार ७०३ कोटी रुपयांवर पोहोचली आहे. नोव्हेंबरअखेर जीएसटीची वसुली ८०,८०८ कोटी रुपयांवर पोहोचली होती.
ऑक्टोबरमध्ये जीएसटीद्वारा मिळालेले उत्पन्न ८३ हजार कोटी रुपयांवर पोहोचले होते. तत्पूर्वी, सप्टेंबरमध्ये जीएसटीच्या माध्यमातून ९२ हजार १५० कोटी रुपये सरकारी तिजोरीत जमा झाले होते. केंद्रीय अर्थमंत्रालयाने दिलेल्या माहितीनुसार २४ जानेवारीपर्यंत जीएसटीच्या अंतर्गत एक कोटी करदात्यांनी नोंदणी केली आहे. पैकी १७.११ लाख करदाते एकीकृत कर योजनेच्या (कंपोझिशन) अंतर्गत मोडतात. या करदात्यांनी दर तिमाहीत रिटर्न भरण्याची गरज आहे. केंद्रीय अर्थमंत्रालयाने दिलेल्या माहितीनुसार डिसेंबरमध्ये ५६.३० लाख जीएसटीआर-3बी रिटर्न दाखल करण्यात आले आहेत.
एकीकृत कर योजनेत येणाऱ्या व्यापाऱ्यांना जुलै ते सप्टेंबर २०१७ या काळासाठी जीएसटीआर-४ विवरणपत्र २४ डिसेंबर २०१७पर्यंत भरायचे होते. याअंतर्गत ८.१० लाख विवरणपत्रे भरली गेली असून याद्वारे ३३५.८६ कोटी जीएसटी जमा होणार आहे. ऑक्टोबर ते डिसेंबर २०१७ या काळासाठी जीएसटीआर-४ भरण्याची अंतिम तारीख १८ जानेवारी २०१८ ही होती. या तारखेला ९.२५ लाख विवरणपत्रे भरली गेली, ज्याद्वारे ४२१.३५ कोटी रुपये कर गोळा झाला.