१७७ वस्तूंवरील जीएसटी २८ वरून १८ टक्क्यांवर

मटा ऑनलाइन वृत्त | गुवाहटी

जीएसटी परिषदेने आज करप्रणालीत मोठे बदल करून सर्वसामान्यांना दिलासा दिला आहे. १७७ वस्तूंवरील कर कमी करून तो २८ वरून १८ टक्के करण्यात आला आहे. यापुढे केवळ चैनीच्या आणि अनावश्यक अशा ५० वस्तूंवरच २८ टक्के कर लागणार आहे.

जीएसटी परिषदेची आज गुवाहटीमध्ये बैठक झाली. जीएसटी अंतर्गत सर्वाधिक २८ टक्के कर लावण्यात आलेल्या २२७ पैकी १७७ दैनंदिन वापराच्या वस्तूंवरील कर १८ टक्के करण्याचा निर्णय या बैठकीत घेण्यात आला आहे. तर ५० वस्तूंवरील २८ टक्के कर कायम ठेवण्यात आला आहे. त्याची औपचारिक घोषणा आज संध्याकाळी करण्यात येणार असल्याची माहिती सूत्रांनी दिली.

> स्वस्त होणार
चॉकलेट, खाद्यपदार्थ, मार्बल, प्लायवूड, आफ्टर शेव्ह, डिओ, वॉशिंग पावडर, ग्रॅनाईट, सॅनेटरी नॅपकिन, सूटकेस, वॉलपेपर, लेखन साहित्य, घड्याळे, खेळणी आदी.

> स्वस्त होणार नाहीत

रंग, सिमेंट, वॉशिंग मशीन, फ्रिज, तंबाखू, सिगारेट आदीसह चैनीच्या वस्तू