टाइम्स इम्पॅक्टमधून व्यावसायिकांना मार्गदर्शन

ठाणे

लघु व मध्यम व्यावसायिकांना जाहिरातींबाबत मार्गदर्शन करण्यासाठी टाइम्स ग्रुपने सुरू केलेल्या टाइम्स इम्पॅक्ट या उपक्रमाची सोमवारपासून ठाणे येथे सुरुवात झाली. व्यावसायिक प्रगती साधण्यासाठी वृत्तपत्रीय जाहिरातींचा कशाप्रकारे प्रभावी व कार्यक्षम वापर करावा, याबाबत झालेल्या पहिल्या टप्प्यातील या कार्यक्रमास पाचशेहून अधिका व्यावसायिकांची उपस्थिती होती. तर, दुसऱ्या दिवसाच्या कार्यक्रमासाठीही याच संख्येने नोंदणी झाली.

टाइम्स समूहाचा आंतरराष्ट्रीय माध्यम भागीदार असणाऱ्या बुस्ट मीडियाच्या सहकार्याने या उपक्रमाची रूपरेषा आखण्यात आली आहे. जाहिरातींचा सुयोग्य वापर करून व्यावसायिक यश संपादन करण्याव्यतिरिक्त टाइम्सच्या किफायतशीर जाहिरात पॅकेजमुळे आपल्या व्यवसायाचा ब्रँड अधिक प्रभावी करणे, नफ्यात वाढ करणे आणि गुंतवलेल्या भांडवलाचा मोठ्या प्रमाणावर परतावा मिळवणे याबाबतही उपस्थितांना मार्गदर्शन करण्यात आले. टाइम्स ऑफ इंडियाच्या मार्केटिंग विभागाच्या अधिकाऱ्यांनी यावेळी महत्त्वपूर्ण सादरीकरण केले. या सादरीकरणामुळे आम्हाला मोठ्या प्रमाणावर फायदा होईल, अशी प्रतिक्रिया उपस्थितांनी व्यक्त केली.

मुंबई, नवी मुंबईतही

या प्रकारचे उपक्रम नवी मुंबईत (पार्क हॉटेल) एक, दोन फेब्रुवारीला तर, मुंबईत (लीला हॉटेल) चार ते नऊ फेब्रुवारीदरम्यान होणार आहेत. इच्छुक व्यावसायिकांना www.toirsvp.com येथे सहभाग नोंदणी करता येईल.