महामंदीचे संकेत; घरांच्या विक्रीला घरघर

मुंबई : करोना व्हायरसने भारतात शिरकाव केला असून रुग्णांची संख्या वाढत आहे. देशात लॉक डाऊन सुरु असून अर्थव्यवस्था ठप्प झाली आहे. अशा परिस्थितीत मंदीचा धोका गडद होत आहे. आधीच मंदीच्या गर्तेत सापडलेल्या स्थावर मालमत्ता क्षेत्राला करोना व्हायरसचा मोठा झटका बसला आहे. सात प्रमुख शहरांमधील घरांच्या विक्रीत ४२ टक्के घसरण झाल्याची माहिती समोर आली आहे.

करोना : आरोग्य सेवकांना केंद्राचे विमा कवच

स्थावर मालमत्ता क्षेत्र मंदीत गुरफटले आहे. घरांच्या विक्रीला आणि निर्मितीला खीळ बसली आहे.अनारॉक कंपनीच्या आकडेवारीनुसार गेल्या वर्षाच्या तुलनेत तिमाहीत घरांच्या विक्रीत ४२ टक्के घसरण झाली आहे. त्याशिवाय घर निर्मितीमध्ये २१ टक्के घसरण झाली आहे. ७ शहरांमध्ये ६.४४ लाख घरे शिल्लक आहेत. बिल्डरांना केवळ शिल्लक साठ्यातील ३ टक्के घरे विक्री करण्यात यश आले.

शेअर बाजार तेजीत; सेन्सेक्स-निफ्टी वधारले

मुंबई शहारात १० हजार ४८० नवीन घरे लाँच करण्यात आली. यात मागील वर्षाच्या तुलनेत ६१ टक्के घसरण झाली. याशिवाय बंगळुरू, पुणे, एनसीआर या शहरांमधील घरांच्या विक्रीला फटका बसला आहे.