एचपी करणार भारतातल्या ५०० कर्मचाऱ्यांची कपात?

बेंगळुरू:
पर्सनल कॉम्प्युटर आणि प्रिंटर बनवणारी कंपनी एचपी सर्व जगभरात कर्मचारी कपात करत आहे. कंपनी जगभरात एकूण ९,००० पर्यंत कर्मचारी कपात करू शकते. तज्ज्ञांचे म्हणणे आहे की भारतात कंपनीच्या ५०० कर्मचाऱ्यांवर कपातीचे संकट ओढवू शकते. एच.पी. इंडियाचे जगभरात एकूण ५५,००० कर्मचारी आहेत.

गेल्या आठवड्यात कंपनीने सांगितलं की २०२२ पर्यंत जागतिक स्तरावर कंपनी ७ ते ९ हजारांचे मनुष्यबळ कमी करण्याची शक्यता आहे. कंपनी हे पाऊल ऑपरेशन्स रिस्ट्रक्चरिंगच्या अंतर्गत उचलत आहे.

HSBC तून १० हजार कर्मचाऱ्यांना काढणार

भारतासंबंधी एचपीची योजना माहित असलेल्या लोकांनी आणि काही जाणकारांनी सांगितले की एचपी इंडियावरही कंपनीच्या कॉस्ट सेव्हिंग प्लानचा परिणाम होईल, देशात पर्सनल कॉम्प्युटरची वाढ कमी होत आहे. कंपनीच्या प्लानची माहिती असणाऱ्या एका सूत्राने इकॉनॉमिक टाइम्सला सांगितले, 'भारतात कर्मचारी कपात होणार आहे. कंपनीने काही मॉडेल्सची निर्मिती थांबवली आहे आणि वाढ घटते आहे.'

भारतात नेमक्या किती नोकऱ्या जाणार आहेत, याबाबत एचपीने कोणतीच माहिती दिलेली नाही. कंपनीने सांगितले, 'जागतिक स्तरावर कपात केली जाणार आहे आणि कोणत्या ठराविक साईट वा लोकेशनमध्ये किती कपात होतील अशी निश्चित आकडेवरी ठरलेली नाही.'