वृत्तसंस्था, मुंबई
खासगी क्षेत्रातील महत्त्वाची बँक असणाऱ्या आयसीआयसीआय बँकेच्या नफ्यात जुलै ते सप्टेंबरच्या तिमाहीमध्ये ४२ टक्क्यांनी घट झाली आहे. या कालावधीत आयसीआयसीआय बँकेने १,२०४ कोटी रुपये नफ्याची नोंद केली. गेल्या वर्षी याच तिमाहीत या बँकेला २,०७१ कोटी रुपये नफा झाला होता. वितरित केलेल्या एकूण कर्जांच्या तुलनेत या तिमाहीत ८.५४ टक्के कर्ज ही बुडीत ठरली आहेत. मात्र बँकेच्या एकत्रित उत्पन्नात वाढ झाली असून ते ३१,९१४ कोटी रुपयांवर पोहोचले आहे.
या बँकेच्या पदच्युत सीइओ चंदा कोचर यांच्या कार्यकाळात व्हिडीओकॉन समूहाला दिलेल्या वादग्रस्त कर्जामुळे ही बँक अडचणीत आली आहे.