आयआयपी घसरला

नवी दिल्ली ः औद्योगिक उत्पादनाचा निर्देशांक अर्थात आयआयपी ऑक्टोबरमध्ये १.९ टक्क्यांनी घसरला आहे. यंत्रसामग्रीचे घसरलेले उत्पादन व कारखानदारी क्षेत्राची निराशाजनक वाटचाल यांमुळे आयआयपी घसरल्याचे स्पष्ट झाले आहे.

यापूर्वी जुलैमध्ये आयआयपी उणे २.५ टक्के व ऑगस्टमध्ये उणे ०.७ टक्के होता. त्यात सप्टेंबरमध्ये ०.७ टक्क्यांची सुधारणा दिसून आली होती. गेल्या वर्षी ऑक्टोबर महिन्यात कारखानदारी उत्पादनात ९.९ टक्के वाढ झाली होती. त्याच महिन्यात यंत्रसामग्रीमध्ये १६.५ टक्के वाढ दिसून आली होती. परंतु यंदा ऑक्टोबरमध्ये कारखानदारी क्षेत्र २.४ टक्के आक्रसले. यंत्रसामग्री क्षेत्राची २५.९ टक्के घट जाली आहे. २२ उद्योगांपैकी १२ उद्योगांनी उणे वाढ नोंदवली आहे.