वृत्तसंस्था, नवी दिल्ली
नोटाबंदीनंतर ऑपरेशन क्लिन मनीअंतर्गत नोटिसा पाठवलेल्या करदात्यांना कोणत्याही प्रकारे धमकावले जाऊ नये किंवा त्यांच्यावर कारणे दाखवा नोटिस बजावली जाऊ नये, अशा स्पष्ट सूचना केंद्रीय प्रत्यक्ष कर मंडळाने (सीबीडीटी) दिल्या आहेत.
कर अधिकाऱ्यांना सीबीडीटीने आठ पानी सूचना पत्रक पाठवले आहे. यामध्ये पडताळणी सुरू असलेल्या कोणत्याही व्यक्तीला कोणत्याही परिस्थितीत प्राप्तिकर कार्यलयात प्रत्यक्ष बोलावणे नसल्याचे नमूद करण्यात आले आहे. प्राप्तिकर विभागाच्या अधिकाऱ्यांनी पडताळणीसाठी करदात्यांशी केवळ ऑनलाइन संवाद साधावा व या संवादाची भाषा अत्यंत नम्र असावी. कोणत्याही प्रकारची कारणे दाखवा नोटिस त्यांना दिली जाऊ नये, असेही सांगण्यात आले आहे. प्राप्तिकर विभागाने संशयास्पद रकमा बँक खात्यांत जमा केल्याप्रकरणी १८ लाख लोकांना एसएमएस व ईमेल पाठवले आहेत. याला सहा लाख लोकांनी उत्तरे दिली आहेत.
नोटाबंदीनंतर ऑपरेशन क्लिन मनीअंतर्गत नोटिसा पाठवलेल्या करदात्यांना कोणत्याही प्रकारे धमकावले जाऊ नये किंवा त्यांच्यावर कारणे दाखवा नोटिस बजावली जाऊ नये, अशा स्पष्ट सूचना केंद्रीय प्रत्यक्ष कर मंडळाने (सीबीडीटी) दिल्या आहेत.
कर अधिकाऱ्यांना सीबीडीटीने आठ पानी सूचना पत्रक पाठवले आहे. यामध्ये पडताळणी सुरू असलेल्या कोणत्याही व्यक्तीला कोणत्याही परिस्थितीत प्राप्तिकर कार्यलयात प्रत्यक्ष बोलावणे नसल्याचे नमूद करण्यात आले आहे. प्राप्तिकर विभागाच्या अधिकाऱ्यांनी पडताळणीसाठी करदात्यांशी केवळ ऑनलाइन संवाद साधावा व या संवादाची भाषा अत्यंत नम्र असावी. कोणत्याही प्रकारची कारणे दाखवा नोटिस त्यांना दिली जाऊ नये, असेही सांगण्यात आले आहे. प्राप्तिकर विभागाने संशयास्पद रकमा बँक खात्यांत जमा केल्याप्रकरणी १८ लाख लोकांना एसएमएस व ईमेल पाठवले आहेत. याला सहा लाख लोकांनी उत्तरे दिली आहेत.