मुंबई : रिलायन्स इंडस्ट्रिजच्या जिओ नेटवर्कने मोबाइलसेवा पुरवठादार क्षेत्रात प्रवेश केल्यानंतर देशातील मासिक डेटावापर २० कोटी जीबीवरून ३७० कोटी जीबीवर पोहोचला आहे. जिओच्या या क्षेत्रातील प्रवेशाला बुधवारी दोन वर्षे पूर्ण झाली. या कालावधीत केवळ डेटावापरच वाढलेला नाही तर जिओच्या आक्रमक धोरणांमुळे आघाडीच्या कंपन्यांमध्ये नवे दरयुद्ध सुरू झाल्याचे दिसत आहे. याचा थेट लाभ ग्राहकांना मिळत आहे. फ्री व्हॉइस कॉलिंग हे वैशिष्ट्य ग्राहकांसाठी आकर्षणाचा विषय ठरले. त्यामुळे केवळ दोन वर्षांच्या कालावधीत जिओने २१ कोटी ५० लाख ग्राहकांना सामावून घेतले आहे. महसुलाच्या बाबतीत जिओने दुसऱ्या क्रमांकावर उडी घेतली आहे. व्होडाफोनला मागे सारत जिओने २२.४ महसुली हिश्श्यासह दुसरे स्थान मिळवले आहे.
जिओच्या प्रवेशानंतर डेटावापरात वाढ
रिलायन्स इंडस्ट्रिजच्या जिओ नेटवर्कने मोबाइलसेवा पुरवठादार क्षेत्रात प्रवेश केल्यानंतर देशातील मासिक डेटावापर २० कोटी जीबीवरून ३७० कोटी जीबीवर ...
Maharashtra Times 7 Sep 2018, 4:00 am