वृत्तसंस्था, नवी दिल्ली
भारतीयांच्या स्मार्टफोनच्या मेनूमध्ये पाहिले तर असंख्य प्रकारची अॅप्स ठाण मांडून बसलेली दिसतात. यातील अनेक अॅप्सचा उपयोगही केला जात नाही. त्यामुळेच कदाचित गुगलच्या प्ले स्टोअरवरून अॅप्स डाऊनलोड करण्यात भारताचा जगात पहिला क्रमांक लागला आहे. जानेवारी २०१२ ते ऑगस्ट २०१८ या कालावधीत भारतीयांनी एकूण ३६.९ अब्ज अॅप्स डाऊनलोड केल्याचे स्पष्ट झाले आहे. प्ले स्टोअरला १० वर्षे पूर्ण झाल्याच्या निमित्ताने गुगलने केलेल्या सर्वेक्षणातून ही माहिती पुढे आली आहे.
जगभरात डाऊनलोड होणाऱ्या अॅप्समध्ये भारतीयांचा ११.२ टक्के वाटा आहे. भारतानंतर अमेरिकेचा क्रमांक असून या कालावधीत अमेरिकींनी ३५.१ अब्ज अॅप्स डाऊनलोड केली. २५.२ अब्ज डाऊनलोडसह ब्राझिलचा तिसरा क्रमांक लागला आहे. यानंतर रशिया, इंडोनेशिया, मेक्सिको, द. कोरिया, तुर्कस्थान, थायलंड आणि जर्मनी यांचा या टॉप टेन सूचीत समावेश आहे.
भारतीयांकडून वापरले जाणारे स्मार्टफोन हे सरासरी मध्यम दर्जाचे असणारे व त्यातील मेमरी तुलनेने कमी असल्याने भारतात एका स्मार्टफोनमधून सरासरी ६२ अॅप्स डाऊनलोड केले जातात व त्यातील ३५ अॅप्स नेहमीच्या वापरात असतात, असेही दिसून आले आहे.
सशुल्क अॅपमध्ये पिछाडी
प्ले स्टोअरवर विनामूल्य असणारी अॅप्स डाऊनलोड करण्यात भारतीय नेटिझन्स आघाडीवर आहेत. मात्र सशुल्क अॅप डाऊनलोड करण्यात मात्र भारतीय पिछाडीवर आहेत. त्यामुळेच सशुल्क अॅप डाऊनलोड करणाऱ्या टॉप टेन देशांच्या सूचीत मात्र भारताला स्थान मिळालेले नाही. या सूचीत जपान आघाडीवर आहे. त्यानंतर अमेरिका, द. कोरिया, जर्मनी आणि तैवान यांचा क्रमांक लागला आहे.
फेसबुकची लोकप्रियता
जगभरात फेसबुक हे सर्वाधिक प्रमाणात डाऊनलोड होणारे अॅप आहे. त्यानंतर व्हॉट्सअॅप, फेसबुक मेसेंजर, इन्स्टाग्राम, क्लीन मास्टर, यूसी ब्राऊझर, स्काइप, शेअर इट यांचा क्रमांक लागतो. गेमिंग अॅपमध्ये सबवे सर्फर्स, कॅण्डिक्रश सागा, माय टॉकिंग टॉम, टेम्पल रन आघाडीवर आहेत.
भारतीयांच्या स्मार्टफोनच्या मेनूमध्ये पाहिले तर असंख्य प्रकारची अॅप्स ठाण मांडून बसलेली दिसतात. यातील अनेक अॅप्सचा उपयोगही केला जात नाही. त्यामुळेच कदाचित गुगलच्या प्ले स्टोअरवरून अॅप्स डाऊनलोड करण्यात भारताचा जगात पहिला क्रमांक लागला आहे. जानेवारी २०१२ ते ऑगस्ट २०१८ या कालावधीत भारतीयांनी एकूण ३६.९ अब्ज अॅप्स डाऊनलोड केल्याचे स्पष्ट झाले आहे. प्ले स्टोअरला १० वर्षे पूर्ण झाल्याच्या निमित्ताने गुगलने केलेल्या सर्वेक्षणातून ही माहिती पुढे आली आहे.
जगभरात डाऊनलोड होणाऱ्या अॅप्समध्ये भारतीयांचा ११.२ टक्के वाटा आहे. भारतानंतर अमेरिकेचा क्रमांक असून या कालावधीत अमेरिकींनी ३५.१ अब्ज अॅप्स डाऊनलोड केली. २५.२ अब्ज डाऊनलोडसह ब्राझिलचा तिसरा क्रमांक लागला आहे. यानंतर रशिया, इंडोनेशिया, मेक्सिको, द. कोरिया, तुर्कस्थान, थायलंड आणि जर्मनी यांचा या टॉप टेन सूचीत समावेश आहे.
भारतीयांकडून वापरले जाणारे स्मार्टफोन हे सरासरी मध्यम दर्जाचे असणारे व त्यातील मेमरी तुलनेने कमी असल्याने भारतात एका स्मार्टफोनमधून सरासरी ६२ अॅप्स डाऊनलोड केले जातात व त्यातील ३५ अॅप्स नेहमीच्या वापरात असतात, असेही दिसून आले आहे.
सशुल्क अॅपमध्ये पिछाडी
प्ले स्टोअरवर विनामूल्य असणारी अॅप्स डाऊनलोड करण्यात भारतीय नेटिझन्स आघाडीवर आहेत. मात्र सशुल्क अॅप डाऊनलोड करण्यात मात्र भारतीय पिछाडीवर आहेत. त्यामुळेच सशुल्क अॅप डाऊनलोड करणाऱ्या टॉप टेन देशांच्या सूचीत मात्र भारताला स्थान मिळालेले नाही. या सूचीत जपान आघाडीवर आहे. त्यानंतर अमेरिका, द. कोरिया, जर्मनी आणि तैवान यांचा क्रमांक लागला आहे.
फेसबुकची लोकप्रियता
जगभरात फेसबुक हे सर्वाधिक प्रमाणात डाऊनलोड होणारे अॅप आहे. त्यानंतर व्हॉट्सअॅप, फेसबुक मेसेंजर, इन्स्टाग्राम, क्लीन मास्टर, यूसी ब्राऊझर, स्काइप, शेअर इट यांचा क्रमांक लागतो. गेमिंग अॅपमध्ये सबवे सर्फर्स, कॅण्डिक्रश सागा, माय टॉकिंग टॉम, टेम्पल रन आघाडीवर आहेत.