इंडियन ऑइलच्या नफ्यात वाढ

ईटी वृत्त, नवी दिल्ली

सार्वजनिक तेल कंपन्यांमधील आघाडीची कंपनी असणाऱ्या इंडियन ऑइल कॉर्पोरेशनने जानेवारी-मार्च २०१८ या तिमाहीमध्ये पाच हजार २१८ कोटी रुपयांचा नफा नोंदविला आहे.

या कंपनीच्या नफ्यात वर्षभरात तब्बल ४० टक्क्यांची वाढ झाली आहे. गेल्या वर्षी याच तिमाहीमध्ये या कंपनीला तीन हजार ७२० कोटी रुपयांचा नफा झाला होता. जानेवारी-मार्च २०१८च्या तिमाहीत या कंपनीच्या महसुलाने १.३७ लाख कोटी रुपयांवर झेप घेतली. या कंपनीचे प्रतिबॅरल अॅव्हरेज ग्रॉस रिफायनिंग मार्जिन ८.४९ अमेरिकी डॉलर नोंदविले गेले.