महागाई वाढली

नवी दिल्ली : किरकोळ महागाईच्या निर्देशांकात वाढ झाली आहे. मे महिन्याअखेरीस हा निर्देशांक ४.८७ टक्क्यांवर पोहोचला. गेल्या चार महिन्यांतील ही सर्वोच्च वाढ आहे. केंद्रीय सांख्यिकी कार्यलायाने मंगळवारी ही माहिती प्रसिद्ध केली.

खाद्यान्न व इंधनात झालेल्या दरवाढीचा फटका मे महिन्यात या निर्देशांकाला बसला आहे. डिसेंबर २०१७मध्ये हा निर्देशांक ५.२१वर पोहोचला होता. चालू वर्षी मार्चमध्ये ४.२८ तर एप्रिलमध्ये ४.५८ टक्के निर्देशांक नोंदविला गेला. किरकोळ महागाई निर्देशांक चार टक्क्यांच्या आसपास असणे रिझर्व्ह बँकेला अपेक्षित असताना गेल्या सात महिन्यांत या निर्देशांकाने चारचा टप्पा पार केला आहे.