करोना : आरोग्य सेवकांना केंद्राचे विमा कवच

नवी दिल्ली : करोनाशी लढण्यासाठी केंद्र सरकारने लॉक डाऊन केला आहे. यामुळे अर्थव्यवस्था पूर्णपणे ठप्प झाली आहे. अशा परिस्थितीत स्वच्छता कर्मचारी, आरोग्य सेवक यांच्याबाबत अर्थमंत्री निर्मला सीतारामन यांनी आज मोठी घोषणा केली आहे. स्वच्छता कर्मचारी, आरोग्य सेवकांना केंद्र सरकारने ५० लाखांचा विमा घोषीत केला आहे.

करोनाशी लढा; शेतकऱ्यांना १५ हजार कोटी

करोनाला रोखण्याच्या मोहीमेत युद्धपातळीवर काम करणाऱ्या स्वच्छता कर्मचारी, आरोग्य सेवक, आशा वर्कर, डॉक्टर, नर्स तसेच पॅरामेडिकल स्टाफला सरकारने विमा सुरक्षा पुरवली आहे. या सेवेतील कर्मचाऱ्यांना ५० लाखांचा विमा पुरवण्यात आला असे सीतारामन यांनी सांगितले.

शेअर बाजार तेजीत; सेन्सेक्स-निफ्टी वधारले

देशात लॉक डाऊन असून आरोग्य सेवक आणि स्वछता कर्मचारी यांना वगळण्यात आले आहे. वैद्यकीय सेवेतील कर्मचारी दिवसरात्र काम करत आहेत. महापालिका तसेच स्थानिक स्वराज्य संस्थांचा स्वछता विभाग आणि कर्मचारी काम करत आहेत. या पार्श्वभूमीवर त्यांना विमा सुरक्षा देऊन सरकारने आधार दिला आहे.