वृत्तसंस्था, मुंबई
चीन व भारत, अमेरिका व उत्तर कोरिया या देशांधील राजकीय अस्वस्थता तसेच देशात जीएसटीमुळे ढवळून निघालेले आर्थिक वातावरम या सर्वांवर मात करत सूचिबद्ध कंपन्यांसाठी मुंबई व राष्ट्रीय शेअर बाजारात बुधवारी गुंतवणूकदारांनी महाउत्साह दाखवला. त्यामुळे मुंबई शेअर बाजाराचा सेन्सेक्स ३२२ अंकांनी उसळत ३१७७०.८९वर बंद झाला. राष्ट्रीय शेअर बाजाराचा निफ्टी १०३.१५ अंक वर जात ९८९७.३०वर स्थिरावला.
भारताने चीनची थोपवलेली घुसखोरी तसेच अमेरिका व उत्तर कोरियामध्ये सैन्याबाबत होत चाललेले मवाळ धोरण यांचा परिणाम बहुराष्ट्रीय कंपन्यांचे भाग वधारण्यात झाला. एकाच महिन्यात निर्देशांक सर्वाधिक पातळीवर जाण्याची ही पहिलीच वेळ ठरली. सलग दुसऱ्या दिवशी, बुधवारी दोन्ही शेअर बाजार वधारले. ब्रिटिश रोजगार आकडेवारी आणि अमेरिकेच्या फेडरल रिझर्व्ह बँकेने दिलेले सकारात्मक संकेत यांच्यामुळे गुंतवणूकदारांनी मोठ्या प्रमाणावर गुंतवणुकीचा ओघ वाढवल्याचे स्पष्ट दिसले. दिवसभरात ग्राहकोपयोगी वस्तूंची निर्मिती करणाऱ्या कंपन्यांच्या भागांची खरेदी मोठ्या प्रमाणावर झाली. जीएसटीमुळे गडबडून गेलेल्या या कंपन्या सावरल्याचे यामुळे अधोरेखित झाले. त्याचवेळी रिटेल व घाऊक महागाई दर काहीसे वर गेल्यामुळे भांडवल बाजाराला पुढील वाटचालीसाठी इशारा मिळाल्यासारखे झाले.
स्मॉलकॅप व मिडकॅप निर्देशांक १.३१ टक्क्यांनी वधारले. स्वातंत्र्यदिनानिमित्त बाजार बंद राहिला. त्यापूर्वी सोमवारी दिवसभरात देशी गुंतवणूकदार संस्थांनी एक हजार ६१९.१७ कोटी रुपयांच्या भागांची (शेअर्स) खरेदी केली, तर परदेशी पोर्टफोलिओ गुंतवणूकदारांनी एक हजार ६३८.८३ कोटी रुपयांचे भाग विकले.
चीन व भारत, अमेरिका व उत्तर कोरिया या देशांधील राजकीय अस्वस्थता तसेच देशात जीएसटीमुळे ढवळून निघालेले आर्थिक वातावरम या सर्वांवर मात करत सूचिबद्ध कंपन्यांसाठी मुंबई व राष्ट्रीय शेअर बाजारात बुधवारी गुंतवणूकदारांनी महाउत्साह दाखवला. त्यामुळे मुंबई शेअर बाजाराचा सेन्सेक्स ३२२ अंकांनी उसळत ३१७७०.८९वर बंद झाला. राष्ट्रीय शेअर बाजाराचा निफ्टी १०३.१५ अंक वर जात ९८९७.३०वर स्थिरावला.
भारताने चीनची थोपवलेली घुसखोरी तसेच अमेरिका व उत्तर कोरियामध्ये सैन्याबाबत होत चाललेले मवाळ धोरण यांचा परिणाम बहुराष्ट्रीय कंपन्यांचे भाग वधारण्यात झाला. एकाच महिन्यात निर्देशांक सर्वाधिक पातळीवर जाण्याची ही पहिलीच वेळ ठरली. सलग दुसऱ्या दिवशी, बुधवारी दोन्ही शेअर बाजार वधारले. ब्रिटिश रोजगार आकडेवारी आणि अमेरिकेच्या फेडरल रिझर्व्ह बँकेने दिलेले सकारात्मक संकेत यांच्यामुळे गुंतवणूकदारांनी मोठ्या प्रमाणावर गुंतवणुकीचा ओघ वाढवल्याचे स्पष्ट दिसले. दिवसभरात ग्राहकोपयोगी वस्तूंची निर्मिती करणाऱ्या कंपन्यांच्या भागांची खरेदी मोठ्या प्रमाणावर झाली. जीएसटीमुळे गडबडून गेलेल्या या कंपन्या सावरल्याचे यामुळे अधोरेखित झाले. त्याचवेळी रिटेल व घाऊक महागाई दर काहीसे वर गेल्यामुळे भांडवल बाजाराला पुढील वाटचालीसाठी इशारा मिळाल्यासारखे झाले.
स्मॉलकॅप व मिडकॅप निर्देशांक १.३१ टक्क्यांनी वधारले. स्वातंत्र्यदिनानिमित्त बाजार बंद राहिला. त्यापूर्वी सोमवारी दिवसभरात देशी गुंतवणूकदार संस्थांनी एक हजार ६१९.१७ कोटी रुपयांच्या भागांची (शेअर्स) खरेदी केली, तर परदेशी पोर्टफोलिओ गुंतवणूकदारांनी एक हजार ६३८.८३ कोटी रुपयांचे भाग विकले.