आयकर विभागातर्फे ‘ई-कॅल्क्युलेटर’

नवी दिल्ली : चालू आर्थिक वर्षात (२०१६-१७) वैयक्तिक आयकर रिटर्नसाठी ‘ई-फायलिंग’ लवकरच सुरू होणार आहे. आयकर विभागाकडून उपलब्ध करून देण्यात येणाऱ्या ‘ई-कॅल्क्युलेटर’द्वारे करदाते आपल्याला नेमका किती वार्षिक कर भरावा लागेल, याची माहिती मिळवू शकणार आहेत. हे ‘ई-कॅल्क्युलेटर’ प्राप्तिकर विभागाच्या वेबसाइटवर उपलब्ध होणार आहेत. या माध्यमातून करदाते टॅक्स रिटर्न भरू करू शकणार आहेत. कराच्या मूल्यमापनासाठी करदात्याने स्वतःची वैयक्तिक माहिती व्यवस्थित भरल्यानंतर ‘ई-कॅल्क्युलेटर’ काम करू शकेल.

या सेवेशिवाय अन्य आयकर रिटर्न सुविधा लवकरच सुरू होणार असल्याचे विभागाच्या वरिष्ठ अधिकाऱ्याने स्पष्ट केले. आयकराच्या गुंतागुंतीच्या प्रकरणात करदात्याने केवळ ऑनलाइन फायलिंगवरच अवलंबून राहू नये, असेही विभागाने स्पष्ट केले आहे. या पूर्वी केंद्रीय प्रत्यक्ष करनिर्धारण विभागाने (सीबीडीटी) ३० मार्चला नवे फॉर्म उपलब्ध केले होते. त्यानुसार ३१ जुलैपर्यंत आयटी रिटर्न भरता येणार आहेत.