‘जनधन’ रक्कम वाढली

नवी दिल्ली ः देशभरातील बँकांतून उघडण्यात आलेल्या शून्य शिलकीच्या जनधन खात्यांतील रक्कम ६४ हजार ५६४ कोटी रुपयांवर गेली आहे. हा नवा विक्रम असून यापैकी ३०० कोटी रुपये नोटाबंदीनंतरच्या सात महिन्यांत जमा झाली असल्याची माहिती सरकारने दिली आहे. माहितीच्या अधिकारात ही माहिती मिळाली आहे. १४ जून रोजीच्या आकडेवारीनुसार २८.९ कोटी जनधन खाती झाली असून त्यापैकी २३.२७ कोटी खाती सरकारी बँकांतून, ४.७ कोटी खाती ग्रामीण प्रादेशिक बँकांतून तर ९२.७ लाख खाती खासगी बँकांतून उघडण्यात आली आहेत.