अ‍ॅपशहर

जागतिक मराठी चेंबरचे उद्योगरत्न पुरस्कार जाहीर

जागतिक मराठी चेंबर ऑफ कॉमर्स अँड इंडस्ट्रीज या संस्थेतर्फे देण्यात येणारे उद्योगरत्न पुरस्कार जाहीर झाले आहेत. या संस्थेचा बावीसावा वर्धापन दिन सोहळा २० मार्च या दिवशी सायंकाळी चार वाजता दादर येथील शिवाजी मंदिर नाट्यगृहात होणार आहे. यावेळी केंद्रीय अवजड उद्योग मंत्री अनंत गीते यांच्या हस्ते मराठी उद्योजकांना उद्योगरत्न पुरस्कार देऊन सन्मानित करण्यात येईल. पुरस्कार, मानचिन्ह, शाल, श्रीफळ व पुष्पगुच्छ असे या पुरस्काराचे स्वरुप आहे.

Maharashtra Times 17 Mar 2016, 1:53 am
मुंबईत २० मार्च रोजी शानदार सोहळ्यात होणार वितरण
महाराष्ट्र टाइम्स.कॉम jmc udyog ratna awards announced
जागतिक मराठी चेंबरचे उद्योगरत्न पुरस्कार जाहीर


म. टा. खास प्रतिनिधी, मुंबई

जागतिक मराठी चेंबर ऑफ कॉमर्स अँड इंडस्ट्रीज या संस्थेतर्फे देण्यात येणारे उद्योगरत्न पुरस्कार जाहीर झाले आहेत. या संस्थेचा बावीसावा वर्धापन दिन सोहळा २० मार्च या दिवशी सायंकाळी चार वाजता दादर येथील शिवाजी मंदिर नाट्यगृहात होणार आहे. यावेळी केंद्रीय अवजड उद्योग मंत्री अनंत गीते यांच्या हस्ते मराठी उद्योजकांना उद्योगरत्न पुरस्कार देऊन सन्मानित करण्यात येईल. पुरस्कार, मानचिन्ह, शाल, श्रीफळ व पुष्पगुच्छ असे या पुरस्काराचे स्वरुप आहे.

चेंबरचे अध्यक्ष, लोकसभेचे माजी अध्यक्ष डॉ. मनोहर जोशी तसेच कार्याध्यक्ष व खासदार शिवाजी आढळराव, संचालक रवींद्र आवटी, प्रकाश चिखलीकर, सरचिटणीस सुधीर सामंत, चिटणीस मनोहर साळवी, कोषाध्यक्ष प्रवीण शेट्ये आदी मान्यवर उपस्थित राहणार आहेत. कार्यक्रम सर्वांसाठी खुला असून अधिकाधिक व्यावसायिक, उद्योजक तसेच नागरिकांनी यावेळी उपस्थित रहावे, असे आवाहन चेंबरच्या वतीने करण्यात आले आहे. अंकिता जोशी यांच्या सुश्राव्य गायनाचा कार्यक्रमदेखील यावेळी सादर करण्यात येणार आहे.

जगभऱातील सर्व मराठी भाषिकांना एकत्र आणून उद्योग समृद्ध मराठी समाज घडविण्यासाठी चेंबर गेली २२ वर्षे सातत्याने प्रयत्नशील आहे. जागतिक बाजारपेठेत मराठी उद्योजकांचा हिस्सा वाढू लागला आहे. महाराष्ट्र आणि राज्याबाहेर तसेच विदेशातदेखील मराठी माणूस उद्योगात आपला ठसा उमटवू लागला आहे. त्यामुळे मराठी माणसातील ही उद्योगशीलता अधिकाधिक प्रगल्भ करण्यावर तसेच त्यातून प्रत्येक मराठी माणसाचा विकास करण्याचे उद्दिष्ट साध्य करण्याच्या दिशेने या वर्धापन दिनी उपस्थितांना मार्गदर्शन होईल, असा विश्वास संचालक रवींद्र आवटी यांनी याबाबत व्यक्त केला आहे.

पुरस्कार विजेते डॉ. हेमंत ठोंबरे - अध्यक्ष, पद्मालय हाऊसिंग किरण मंगळवेढेकर - निसर्ग इंजिनिअरिंग मोहन गोरे - संस्थ्पक अध्यक्ष, सिरॅमेट समूह माया परांजपे - ब्युटिक कॉस्मेटिक्स सीताराम घनदाट - अध्यक्ष, अभ्युदय बँक

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज