वृत्तसंस्था, मुंबई
किंगफिशर एअरलाइन्सला भारतीय स्टेट बँकेच्या नेतृत्वाखाली कर्जपुरवठा करणाऱ्या १७ बँकांनी ही विमानकंपनी आणि तिचे सर्वेसर्वा विजय मल्या यांच्याविरोधात आता कर्जवसुली लवादाचे (डेट रिकव्हरी ट्रिब्युनल अर्थात डीआरटी) दरवाजे ठोठावण्याचा निर्णय घेतला आहे. युनायटेड स्पिरिट्समधून निवृत्ती जाहीर करत या कंपनीकडून सुमारे ५१५ कोटी रुपये घेऊन विजय मल्या ब्रिटनमध्ये (यूके) पोबारा करण्याच्या तयारीत आहेत. त्यामुळे या बँकांनी दिलेले कर्ज फिटण्याची चिन्हे धूसर झाली आहेत. त्यातच यामुळे किंगफिशर एअरलाइन्सच्या सुमारे दोन लाख गुंतवणूकदारांचे भवितव्यही टांगणीला लागले आहे.
युनायटेड स्परिट्सची सध्याची मालक डियाजो कंपनीने मल्या यांना पदमुक्त करताना सुमारे ५१५ कोटी रुपये देण्याचे कबूल केले आहे. याला भांडवल बाजार नियंत्रक सेबीने तीव्र आक्षेप घेऊन हा सर्वच व्यवहार तपासण्याचे ठरवले आहे. त्यातच या व्यवहाराला छोट्या भागधारकांनीही विरोध केला आहे.
१७ बँकांनी विजय मल्या यांना किंगफिशर एअरलाइन्ससाठी दिलेल्या मूळ २ हजार ३०० कोटी रुपये कर्जावर चढलेले व्याज मिळून आता ही रक्कम ७ हजार ८०० कोटी रुपयांच्या घरात जाते. या रकमेच्या फेडीसाठी मल्या यांनी वैयक्तिक मालमत्तेची हमी दिली आहे. परंतु या मालमत्तेचे सध्याचे मूल्य आणइ थकित कर्ज यामध्येही प्रचंड तफावत आहे. मल्या ब्रिटनमध्ये गेल्यानंतर ही कर्जवसुली अधिकच अवघड होऊन बसणार आहे. हेटाळण्यासाठीच लवादाकडे बँकांनी धाव घेतली आहे.
गुंतवणूकदार संकटात
विजय मल्या यांच्या मूळ युनायटेड ब्रुअरीज लिमिटेडची उपकंपनी असलेल्या युनायटेड ब्रुअरीज होल्डिंग्ज लिमिटेड या कंपनीकडे असलेले १ हजार ३३७ कोटी रुपयांचे थकित कर्ज युनायटेड स्पिरीट्स वसूल करेल असे आश्वासन युनायटेड स्पिरिट्सने दिले आहे. प्रत्यक्षात युनायटेड ब्रुअरीज होल्डिंग्जचे बाजारमूल्य केवळ १४८ कोटी रुपये राहिले आहे. त्याचवेळी कंपनीकडे ५१ हजार भागधारक आहेत. यामध्ये ५० हजार छोटे गुंतवणूकदारही आहेत. अन्य भागधारकांमध्ये १४ म्युच्युअल फंड, १४ बँका व वित्तसंस्था, १० परदेशी पोर्टफोलिओ गुंतवणूकदार, एक विमा कंपनी, १ सरकारी आस्थापन व १०० उच्च उत्पन्नधारक भारतीय यांचा समावेश आहे. मल्या यांच्या राजीनाम्यामुळे हे सर्व गुंतवणूकदार संकटात सापडणार आहेत.
किंगफिशर एअरलाइन्सला भारतीय स्टेट बँकेच्या नेतृत्वाखाली कर्जपुरवठा करणाऱ्या १७ बँकांनी ही विमानकंपनी आणि तिचे सर्वेसर्वा विजय मल्या यांच्याविरोधात आता कर्जवसुली लवादाचे (डेट रिकव्हरी ट्रिब्युनल अर्थात डीआरटी) दरवाजे ठोठावण्याचा निर्णय घेतला आहे. युनायटेड स्पिरिट्समधून निवृत्ती जाहीर करत या कंपनीकडून सुमारे ५१५ कोटी रुपये घेऊन विजय मल्या ब्रिटनमध्ये (यूके) पोबारा करण्याच्या तयारीत आहेत. त्यामुळे या बँकांनी दिलेले कर्ज फिटण्याची चिन्हे धूसर झाली आहेत. त्यातच यामुळे किंगफिशर एअरलाइन्सच्या सुमारे दोन लाख गुंतवणूकदारांचे भवितव्यही टांगणीला लागले आहे.
युनायटेड स्परिट्सची सध्याची मालक डियाजो कंपनीने मल्या यांना पदमुक्त करताना सुमारे ५१५ कोटी रुपये देण्याचे कबूल केले आहे. याला भांडवल बाजार नियंत्रक सेबीने तीव्र आक्षेप घेऊन हा सर्वच व्यवहार तपासण्याचे ठरवले आहे. त्यातच या व्यवहाराला छोट्या भागधारकांनीही विरोध केला आहे.
१७ बँकांनी विजय मल्या यांना किंगफिशर एअरलाइन्ससाठी दिलेल्या मूळ २ हजार ३०० कोटी रुपये कर्जावर चढलेले व्याज मिळून आता ही रक्कम ७ हजार ८०० कोटी रुपयांच्या घरात जाते. या रकमेच्या फेडीसाठी मल्या यांनी वैयक्तिक मालमत्तेची हमी दिली आहे. परंतु या मालमत्तेचे सध्याचे मूल्य आणइ थकित कर्ज यामध्येही प्रचंड तफावत आहे. मल्या ब्रिटनमध्ये गेल्यानंतर ही कर्जवसुली अधिकच अवघड होऊन बसणार आहे. हेटाळण्यासाठीच लवादाकडे बँकांनी धाव घेतली आहे.
गुंतवणूकदार संकटात
विजय मल्या यांच्या मूळ युनायटेड ब्रुअरीज लिमिटेडची उपकंपनी असलेल्या युनायटेड ब्रुअरीज होल्डिंग्ज लिमिटेड या कंपनीकडे असलेले १ हजार ३३७ कोटी रुपयांचे थकित कर्ज युनायटेड स्पिरीट्स वसूल करेल असे आश्वासन युनायटेड स्पिरिट्सने दिले आहे. प्रत्यक्षात युनायटेड ब्रुअरीज होल्डिंग्जचे बाजारमूल्य केवळ १४८ कोटी रुपये राहिले आहे. त्याचवेळी कंपनीकडे ५१ हजार भागधारक आहेत. यामध्ये ५० हजार छोटे गुंतवणूकदारही आहेत. अन्य भागधारकांमध्ये १४ म्युच्युअल फंड, १४ बँका व वित्तसंस्था, १० परदेशी पोर्टफोलिओ गुंतवणूकदार, एक विमा कंपनी, १ सरकारी आस्थापन व १०० उच्च उत्पन्नधारक भारतीय यांचा समावेश आहे. मल्या यांच्या राजीनाम्यामुळे हे सर्व गुंतवणूकदार संकटात सापडणार आहेत.