शेतकऱ्यांसाठी खास किसान क्रेडिट कार्ड; जाणून घ्या या कार्डचे नेमके फायदे, अर्ज कसा करायचा?

मुंबई : भारत हा प्रामुख्याने कृषीप्रधान देश मानला जातो. देशातील मोठी लोकसंख्या आजही शेतीतून उदरनिर्वाह करत आहे. देशाच्या जीडीपीमध्ये शेतीचा वाटा १७ ते १८ टक्क्यांपर्यंत आहे. अशा परिस्थितीत केंद्र आणि राज्य सरकार शेतकऱ्यांच्या मदतीसाठी विविध योजना आणत असते. यापैकी एक योजना 'किसान क्रेडिट कार्ड' आहे.

कृषी उत्पादन अनेक गोष्टींवर अवलंबून असते, ज्यामध्ये हवामान हा प्रमुख घटक आहे. अनेक वेळा वादळ, पूर, अतिवृष्टी आदींमुळे पिकांचे नुकसान होते, अशा परिस्थितीत शेतकऱ्यांना कर्ज काढावे लागते. खाजगी संस्थेकडून उच्च व्याजदराने कर्ज घेऊ शकतात, मात्र नंतर त्यांच्यावर ईएमआयचे ओझं वाढू शकतं. अशा परिस्थितीत शेतकऱ्यांची ही अडचण दूर करण्यासाठी सरकारने किसान क्रेडिट कार्ड सुरू केले. ही योजना मुळात १९९८ मध्ये सुरू करण्यात आली होती. या योजनेद्वारे शेतकऱ्यांना स्वस्त व्याजदराने कर्ज मिळण्याची तरतूद आहे. या योजनेबद्दल अधिक जाणून घेऊया.

वाचा - श्रीमंत भारतीय जगातील 'या' तीन शहरात ओतत आहेत पैसा, जाणून घ्या कारण

किसान क्रेडिट कार्डचे फायदे?
किसान क्रेडिट कार्डच्या माध्यमातून सरकार शेतकऱ्यांना कमी व्याजदरात ३ लाखांपर्यंतचे कर्ज मिळू शकते. हे कर्ज केवळ ४ टक्के व्याजदराने दिले जाते. किसान क्रेडिट कार्ड मिळवण्यासाठी तुमचे वय किमान १८ वर्षे असणे आवश्यक आहे. त्याचबरोबर वय वर्ष ७५ पर्यंतचे शेतकरी या क्रेडिट कार्डचा लाभ घेऊ शकतात.

वाचा - कार्डधारकांनो हे माहित आहे का? ATM धारकास मिळतो मोफत अपघाती विमा संरक्षण

किसान क्रेडिट कार्ड मिळविण्यासाठी आवश्यक कागदपत्रे

• मतदार ओळखपत्र
• आधार कार्ड
• चालक परवाना
• पासपोर्ट
• शेतकऱ्याच्या जमिनीची कागदपत्रे

वाचा - कर्ज अ‍ॅप खरे आहे की बनावट? कसे ओळखलं, 'या' सोप्या मार्गांनी जाणून घ्या!

किसान क्रेडिट कार्डसाठी अर्ज कसा करावा
किसान क्रेडिट कार्डसाठी अर्ज करण्यासाठी तुम्ही कोणत्याही सरकारी बँकेत अर्ज करू शकता. तुम्ही तुमच्या जवळच्या बँकेत जा आणि किसान क्रेडिट कार्डसाठी अर्ज भरा. यानंतर तुम्हाला वर नमूद केलेली सर्व कागदपत्रे जमा करावी लागतील. यानंतर तुम्हाला किसान क्रेडिट कार्ड मिळेल. याशिवाय तुम्ही बँकांच्या अधिकृत वेबसाइटद्वारे केसीसीसाठी अर्ज करू शकता. मात्र लक्षात ठेवा की हे कार्ड मिळवण्यासाठी तुमचं पीएम किसान योजनेअंतर्गत बँक खातं असणं आवश्यक आहे.