एलआयसीला चिंता नाही

मुंबई ः टाटा समूहातील कंपन्यांमध्ये भारतीय आयुर्विमा महामंडळाची (एलआयसी) मोठी गुंतवणूक आहे. सायरस मिस्त्री यांच्याकडून रतन टाटा यांच्यावर केल्या जाणाऱ्या आरोपांची आपल्याला चिंता वाटत नसल्याचे एलआयसीने स्पष्ट केले आहे.

टाटा मोटर्समध्ये एलआयसीचा ७ टक्के हिस्सा आहे. याशिवाय टाटा स्टीलमध्ये १३.९१ टक्के, टाटा पॉवरमध्ये १३.१२ टक्के तसेच इंडियन हॉटेल्समध्ये ८.७६ टक्के हिस्सा आहे. टाटा समूहातील टॉप ११ कंपन्यांत एलआयसीची एकूण गुंतवणूक ३५ हजार ६८० कोटी रुपये आहे.

टाटा समूहातील सत्ताबदलामुळे आपल्याला चिंता नाही. आम्ही सर्व परिस्थितीवर लक्ष ठेवून आहोत. आम्ही या समूहातील दीर्घकालीन गुंतवणूकदार आहोत, असे एलआयसीतील एका वरिष्ठ अधिकाऱ्याने सांगितले.