बंगळुरू : देशात करोना विषाणूचा प्रसार रोखण्यासाठी सॅनिटायझरचा वापर करण्याचे आवाहन सरकारकडून केले जात आहे. मात्र बाजारात सॅनिटायझरचा तुटवडा निर्माण झाला आहे. सॅनिटायझरमध्ये अल्कोहोलचे प्रमाण आहे. सॅनिटायझरचा पुरवठा वाढवण्यासाठी मद्य उत्पादकांनी सॅनिटायझर उत्पादनाची परवानगी सरकारकडे मागितली आहे. आघाडीची मद्य उत्पादक 'डियाजिओ इंडिया'ने ३ लाख लीटर सॅनिटायझर बनवण्याचा निर्णय घेतला आहे.
सोने महागले ; आठवडाभरानंतर पुन्हा तेजीत
'डियाजिओ इंडिया'ने शेअर बाजाराला दिलेल्या माहितीनुसार कंपनीच्या १५ प्रकल्पांमध्ये सॅनिटायझरचे उत्पादन सुरू करण्यात आले आहे. यामध्ये एक्स्ट्रा नूट्रल अल्कोहोलचा समावेश केला जाणार आहे. कंपनी ३ लाख लीटर सॅनिटायझर बनवणार आहे. याशिवाय कंपनीकडून कर्मचाऱ्यांना आरोग्य विम्याची सुरक्षा दिली जाणार आहे. रेस्तरॉंमधील कर्मचाऱ्यांना मास्क आणि इतर सुरक्षा उपकरणे पुरवली जाणार आहेत. कंपनीने ५ राज्यांमधील सार्वजनिक आरोग्य विभागाला सुमारे दीड लाख मास्क पुरवले आहेत.
करोना : ATM, बँक खात्यांबाबत 'या' घोषणा
देशात करोना रुग्णांची संख्या झपाट्याने वाढत आहे. बाजारात हॅन्ड सॅनिटायझरची मागणी वाढली आहे. सॅनिटायझरचा पुरवठा वाढवण्यासाठी कंपनीने उत्पादन करण्याचा निर्णय घेतल्याचे 'डियाजिओ इंडिया'चे मुख्य कार्यकारी अधिकारी आनंद कृपाळू यांनी सांगितले. बार अॅंड रेस्तराॅंमध्ये काम करणाऱ्या कर्मचाऱ्यांसाठी 'डियाजिओ'ने ३ कोटींचा आरोग्य विमा काढला असल्याची माहिती त्यांनी दिली.
दरम्यान, डियाजिओ शिवाय अमृत डिस्टीलरीज, रॅडिको खेतान, जॉन डिस्टीलरीज या इतर मद्य उत्पादक कंपन्यांनी सरकारकडे सॅनिटायझर उत्पादन करण्याची परवानगी मागितली आहे. सध्या ग्राहकोपयोगी वस्तू उत्पादक कंपन्यांची सॅनिटायझर बाजारात उपलब्ध आहेत.
सोने महागले ; आठवडाभरानंतर पुन्हा तेजीत
'डियाजिओ इंडिया'ने शेअर बाजाराला दिलेल्या माहितीनुसार कंपनीच्या १५ प्रकल्पांमध्ये सॅनिटायझरचे उत्पादन सुरू करण्यात आले आहे. यामध्ये एक्स्ट्रा नूट्रल अल्कोहोलचा समावेश केला जाणार आहे. कंपनी ३ लाख लीटर सॅनिटायझर बनवणार आहे. याशिवाय कंपनीकडून कर्मचाऱ्यांना आरोग्य विम्याची सुरक्षा दिली जाणार आहे. रेस्तरॉंमधील कर्मचाऱ्यांना मास्क आणि इतर सुरक्षा उपकरणे पुरवली जाणार आहेत. कंपनीने ५ राज्यांमधील सार्वजनिक आरोग्य विभागाला सुमारे दीड लाख मास्क पुरवले आहेत.
करोना : ATM, बँक खात्यांबाबत 'या' घोषणा
देशात करोना रुग्णांची संख्या झपाट्याने वाढत आहे. बाजारात हॅन्ड सॅनिटायझरची मागणी वाढली आहे. सॅनिटायझरचा पुरवठा वाढवण्यासाठी कंपनीने उत्पादन करण्याचा निर्णय घेतल्याचे 'डियाजिओ इंडिया'चे मुख्य कार्यकारी अधिकारी आनंद कृपाळू यांनी सांगितले. बार अॅंड रेस्तराॅंमध्ये काम करणाऱ्या कर्मचाऱ्यांसाठी 'डियाजिओ'ने ३ कोटींचा आरोग्य विमा काढला असल्याची माहिती त्यांनी दिली.
दरम्यान, डियाजिओ शिवाय अमृत डिस्टीलरीज, रॅडिको खेतान, जॉन डिस्टीलरीज या इतर मद्य उत्पादक कंपन्यांनी सरकारकडे सॅनिटायझर उत्पादन करण्याची परवानगी मागितली आहे. सध्या ग्राहकोपयोगी वस्तू उत्पादक कंपन्यांची सॅनिटायझर बाजारात उपलब्ध आहेत.