थकित करवसुली करा

नवी दिल्ली ः थकित करवसुलीसाठी एक निश्चित कृती आराखडा तयार करा, अशी सूचना आर्थिक विषयांसाठी असलेल्या संसदीय समितीने सरकारला केली आहे. सध्या प्रत्यक्ष किंवा प्राप्तिकर तसेच अप्रत्यक्ष कर मिळून ११.५ लाख कोटी रुपयांचा कर थकित आहे.

यामध्ये प्रत्यक्ष कराचे ९,३०,७४१ कोटी रुपये तर अप्रत्यक्ष करांचे २,२८,५३० कोटी रुपये सरकरच्या तिजोरीत जमा झालेले नाहीत. ही रक्कम देशाच्या अर्थव्यवस्थेएवढी आहे, असे सांगून याबद्दल संसदीय समितीने चिंता व्यक्त केली आहे. दरवर्षी करांची थकबाकी वाढतेच आहे. यामुळे आता कालबद्ध कृती आराखड्याची तातडीने गरज आहे, असे सांगून या संसदीय समितीने सरकारची कानउघाडणी केली आहे.