मुंबई : कच्चे तेल तसेच व्यवहार होणाऱ्या अन्य कमोडिटीच्या वायदा सौद्यात किमती नकारात्मक (उणे) स्तरावर पोहचल्यास, अशा व्यवहारातून बाहेर पडण्याचा (निर्गमन) पर्याय ‘MCX’ने सर्व बाजार सहभागींसाठी खुला केला आहे. सोमवारी एका परिपत्रकाद्वारे बाजारमंचाने हे स्पष्ट केले.
‘MCX’ च्या परिपत्रकानुसार, कोणत्याही व्यवहार दिनी, जर ट्रेडिंग प्रणालीत क्रूड ऑइलच्या किमती त्याच्या किमान पातळीवर (म्हणजे १ रुपया) खुंटल्या आणि व्यवहाराच्या अंतिम १५ मिनिटात (म्हणजे सध्या रात्री ११.१५ ते ११.३० वाजेपर्यंत) त्याच स्तरावर स्थिर राहिल्या असतील, तसेच संलग्न आंतरराष्ट्रीय संदर्भ सौद्याच्या किमतीही नकारात्मक (उणे) स्तरावर असतील, तर बाजारमंचाकडून त्या वायदे व्यवहारासाठी अतिरिक्त सुविधा या रूपात विशेष लिलाव सत्र आयोजित केले जाईल, जेणेकरून बाजार सहभागींना त्यांची त्या व्यवहारातून बाहेर पडता येईल अथवा त्या सौद्याचा निपटारा करता येईल.
अशा विशिष्ट परिस्थितीत सदस्यांच्या अँडमिन टर्मिनल (मॅट) वर अथवा ट्रेडिंग वर्कस्टेशन (टीडब्ल्यूएस) वर स्वतंत्र संदेश प्रसृत केला जाईल. ज्यायोगे क्रूड ऑइल (एक्स्पायरी) कॉन्ट्रॅक्टसाठी लिलाव सत्र हे (प्रारंभ वेळ) ते (समाप्ती वेळ) या दरम्यान पार पाडले जाईल’ असे सूचित केले जाईल. या ठिकाणी हेही ध्यानात घेतले पाहिजे की, क्रूड कॉन्ट्रॅक्टच्या प्रत्यक्ष समाप्ती तिथीला (एक्स्पायरी) ही विशेष सुविधा उपलब्ध नसेल. त्याचप्रमाणे अशी सुविधा जर वरील अटींची पूर्तता होत असेल तर अन्य सर्व कमोडिटींनाही उपलब्ध असेल.
सदस्यांना या लिलावात सहभाग हा https://memprofile.mcxindia.com या एकात्मिक पोर्टलवरील 'Auction' या दालनावर क्लिक करून मिळविता येईल. आपल्या लॉग-इन तपशिलांचा वापर करून सदस्यांना लिलाव सत्रात सहभागी होता येईल.
गेल्या महिन्यात २० एप्रिल रोजी न्यूयॉर्क मर्केंटाईल एक्सचेंजवर (नायमेक्स) कच्च्या तेलाच्या वायदे करारामध्ये ३०५ टक्क्यांनी घसरण झाली आणि व्यापाऱ्यांनी साठवणीची सुविधा नसल्याने क्रूडची डिलिव्हरी न घेतल्याने ते प्रति पिंप (उणे) –३७.६९ डॉलर अशा धक्कादायक किमतीवर दिवसअखेर स्थायिक झाले.
नायमेक्सच्या किमतीशी संलग्न असलेल्या एमसीएक्सवर त्या अनुसार क्रूडच्या वायदे कराराची किंमत त्य दिवशी प्रति पिंप (उणे) – २,८८४ रुपये या पातळीवर स्थिरावलेली दिसून आली.
‘MCX’ च्या परिपत्रकानुसार, कोणत्याही व्यवहार दिनी, जर ट्रेडिंग प्रणालीत क्रूड ऑइलच्या किमती त्याच्या किमान पातळीवर (म्हणजे १ रुपया) खुंटल्या आणि व्यवहाराच्या अंतिम १५ मिनिटात (म्हणजे सध्या रात्री ११.१५ ते ११.३० वाजेपर्यंत) त्याच स्तरावर स्थिर राहिल्या असतील, तसेच संलग्न आंतरराष्ट्रीय संदर्भ सौद्याच्या किमतीही नकारात्मक (उणे) स्तरावर असतील, तर बाजारमंचाकडून त्या वायदे व्यवहारासाठी अतिरिक्त सुविधा या रूपात विशेष लिलाव सत्र आयोजित केले जाईल, जेणेकरून बाजार सहभागींना त्यांची त्या व्यवहारातून बाहेर पडता येईल अथवा त्या सौद्याचा निपटारा करता येईल.
अशा विशिष्ट परिस्थितीत सदस्यांच्या अँडमिन टर्मिनल (मॅट) वर अथवा ट्रेडिंग वर्कस्टेशन (टीडब्ल्यूएस) वर स्वतंत्र संदेश प्रसृत केला जाईल. ज्यायोगे क्रूड ऑइल (एक्स्पायरी) कॉन्ट्रॅक्टसाठी लिलाव सत्र हे (प्रारंभ वेळ) ते (समाप्ती वेळ) या दरम्यान पार पाडले जाईल’ असे सूचित केले जाईल. या ठिकाणी हेही ध्यानात घेतले पाहिजे की, क्रूड कॉन्ट्रॅक्टच्या प्रत्यक्ष समाप्ती तिथीला (एक्स्पायरी) ही विशेष सुविधा उपलब्ध नसेल. त्याचप्रमाणे अशी सुविधा जर वरील अटींची पूर्तता होत असेल तर अन्य सर्व कमोडिटींनाही उपलब्ध असेल.
सदस्यांना या लिलावात सहभाग हा https://memprofile.mcxindia.com या एकात्मिक पोर्टलवरील 'Auction' या दालनावर क्लिक करून मिळविता येईल. आपल्या लॉग-इन तपशिलांचा वापर करून सदस्यांना लिलाव सत्रात सहभागी होता येईल.
गेल्या महिन्यात २० एप्रिल रोजी न्यूयॉर्क मर्केंटाईल एक्सचेंजवर (नायमेक्स) कच्च्या तेलाच्या वायदे करारामध्ये ३०५ टक्क्यांनी घसरण झाली आणि व्यापाऱ्यांनी साठवणीची सुविधा नसल्याने क्रूडची डिलिव्हरी न घेतल्याने ते प्रति पिंप (उणे) –३७.६९ डॉलर अशा धक्कादायक किमतीवर दिवसअखेर स्थायिक झाले.
नायमेक्सच्या किमतीशी संलग्न असलेल्या एमसीएक्सवर त्या अनुसार क्रूडच्या वायदे कराराची किंमत त्य दिवशी प्रति पिंप (उणे) – २,८८४ रुपये या पातळीवर स्थिरावलेली दिसून आली.