कोरियन पायाभूत सुविधा मंत्रालयाच्या चमूची भेट
म.टा. प्रतिनिधी, नागपूर
पतंजलीचा फूड पार्क असो वा विमानतळ विकासाची निविदा अथवा टाल कंपनीचा जागतिक विस्तार, यासारख्या विकासात्मक घडामोडी 'मिहान'मध्ये जलद होत असतानाच आता कोरियन सरकार स्मार्ट सिटी उभी करण्यासाठी इच्छूक आहे. यासंदर्भात कोरियन सरकारच्या पायाभूत सुविधा व परिवहन मंत्रालयाने अलिकडेच प्रकल्पाला भेट दिली.
मिहान-एसईझेड प्रकल्पाचा विकास १४ वर्षांपासून होत आहे. हे वर्ष मिहानसाठी चांगले ठरले आहे. १०२ हेक्टरवरील फूड पार्क, विमानतळ विकासासाठी निविदा आणि सर्वात महत्त्वाचे म्हणजे अलिकडे टाल कंपनीचा मान्यवरांच्या उपस्थितीत झालेला भव्य कार्यक्रम. या पार्श्वभूमीवर कोरियन सरकारने अलिकडेच प्रकल्पाचा दौरा केला.
कोरिया सरकारच्या पायाभूत सुविधा व परिवहन मंत्रालयांतर्गत हाऊसिंग कॉर्पोरेशनचे व्यवस्थापकीय संचालक ली की योल व संचालक सोन यंग हून यांनी मिहान-एसईझेडला भेट दिली. विविध पायाभूत सुविधांची पाहणी केली. तसेच आगामी विमानतळ विकासाच्या निविदेचीदेखील माहिती घेतली. सर्व पाहणी केल्यानंतर हे शिष्टमंडळ स्मार्ट सिटीसारखी योजना अथवा त्या संबंधीची गुंतवणूक मिहानमध्ये करण्यास उत्सुक असल्याचे दिसून आले. पण यासंदर्भातील निर्णय अहवाल मंत्रालयाला सादर केल्यानंतरच घेतला जाईल, असे त्यांनी सांगितले.
मिहान इंडिया लिमिटेडचे महाव्यवस्थापक (विमानतळ) आबिद रुही, वरिष्ठ विमानतळ संचालक व्ही.एस. मुळेकर, एमएडीसीचे तांत्रिक सल्लागार एस.व्ही. चहांदे, मुख्य अभियंते एस.के. चॅटर्जी, एमएडीसीचे मार्केटींग व्यवस्थापक अतुल ठाकरे, कार्यकारी अभियंते ललीत इंगळे, अधिक्षक अभियंत्या रजनी लोणारे, उप जिल्हाधिकारी (भूसंपादन) अशोक चौधरी, मिहान इंडियाचे कंपनी सचिव रंजन ठाकूर व जनसंपर्क अधिकारी दिपक जोशी यावेळी उपस्थित होते.
म.टा. प्रतिनिधी, नागपूर
पतंजलीचा फूड पार्क असो वा विमानतळ विकासाची निविदा अथवा टाल कंपनीचा जागतिक विस्तार, यासारख्या विकासात्मक घडामोडी 'मिहान'मध्ये जलद होत असतानाच आता कोरियन सरकार स्मार्ट सिटी उभी करण्यासाठी इच्छूक आहे. यासंदर्भात कोरियन सरकारच्या पायाभूत सुविधा व परिवहन मंत्रालयाने अलिकडेच प्रकल्पाला भेट दिली.
मिहान-एसईझेड प्रकल्पाचा विकास १४ वर्षांपासून होत आहे. हे वर्ष मिहानसाठी चांगले ठरले आहे. १०२ हेक्टरवरील फूड पार्क, विमानतळ विकासासाठी निविदा आणि सर्वात महत्त्वाचे म्हणजे अलिकडे टाल कंपनीचा मान्यवरांच्या उपस्थितीत झालेला भव्य कार्यक्रम. या पार्श्वभूमीवर कोरियन सरकारने अलिकडेच प्रकल्पाचा दौरा केला.
कोरिया सरकारच्या पायाभूत सुविधा व परिवहन मंत्रालयांतर्गत हाऊसिंग कॉर्पोरेशनचे व्यवस्थापकीय संचालक ली की योल व संचालक सोन यंग हून यांनी मिहान-एसईझेडला भेट दिली. विविध पायाभूत सुविधांची पाहणी केली. तसेच आगामी विमानतळ विकासाच्या निविदेचीदेखील माहिती घेतली. सर्व पाहणी केल्यानंतर हे शिष्टमंडळ स्मार्ट सिटीसारखी योजना अथवा त्या संबंधीची गुंतवणूक मिहानमध्ये करण्यास उत्सुक असल्याचे दिसून आले. पण यासंदर्भातील निर्णय अहवाल मंत्रालयाला सादर केल्यानंतरच घेतला जाईल, असे त्यांनी सांगितले.
मिहान इंडिया लिमिटेडचे महाव्यवस्थापक (विमानतळ) आबिद रुही, वरिष्ठ विमानतळ संचालक व्ही.एस. मुळेकर, एमएडीसीचे तांत्रिक सल्लागार एस.व्ही. चहांदे, मुख्य अभियंते एस.के. चॅटर्जी, एमएडीसीचे मार्केटींग व्यवस्थापक अतुल ठाकरे, कार्यकारी अभियंते ललीत इंगळे, अधिक्षक अभियंत्या रजनी लोणारे, उप जिल्हाधिकारी (भूसंपादन) अशोक चौधरी, मिहान इंडियाचे कंपनी सचिव रंजन ठाकूर व जनसंपर्क अधिकारी दिपक जोशी यावेळी उपस्थित होते.