सामान्यांच्या खिशाला फटका; आता फ्लेवर्ड दूधही महागले, पाहा किती टक्के GST द्यावा लागणार

नवी दिल्ली: ताजे दूध आणि पाश्चराइज्ड दूध यांना वस्तू आणि सेवा कर (जीएसटी) मधून पूर्णपणे सूट देण्यात आली असल्याचे केंद्र सरकारने या वर्षी जुलैमध्ये स्पष्ट केले. मात्र, प्री-पॅकेज आणि लेबल केलेल्या स्वरूपात विकल्या जाणार्‍या दही, लस्सी आणि पनीरवर ५ टक्के नाममात्र जीएसटी लागू करण्यात आला आहे. मग फ्लेवर्ड दुधाचे काय? ते फक्त दूध आहे की पेय? जर ते प्री-पॅकेज करून विकले गेले तर त्याच्यावर ५ टक्के जीएसटी लागू होईल का?

GST कर चोरी आता महागात पडणार, सरकारने नियमात केला मोठा बदल

फ्लेवर्ड दुधावर १२% कर
या प्रकरणाच्या स्पष्टतेसाठी आइस्क्रीम निर्माता वाडीलालने संपर्क साधल्यानंतर सर्वोच्च अपील प्राधिकरणाने यावर स्पष्टीकर दिले. फ्लेवर्ड दुधावर १२ टक्के जीएसटी दर आकारला जातो, जो प्री-पॅकेज केलेल्या दुधाला आकर्षित करेल त्यापेक्षा जास्त आहे. अ‍ॅडव्हान्स रुलिंगसाठी अपीलीय प्राधिकरणाने (AAAR) मानले की फ्लेवर्ड दूध हे दूध नाही, तर एक घटक म्हणून दूध असलेले पेय आहे.

प्रवाशांच्या खिशाला झळ; ट्रेनचे कन्फर्म तिकीट रद्द केल्यास लागणार GST, वाचा कॅन्सलेशन चार्जेस

अॅथॉरिटी फॉर अॅडव्हान्स रुलिंगने (एएआर) फ्लेवर्ड दुधावर जीएसटी लावला पाहिजे असे सांगितल्यानंतर वाडीलालने एएएआरशी संपर्क साधला. गुजरात ऍथॉरिटी फॉर ऍडव्हान्स रुलिंगने एप्रिल २०२१ मध्ये घेतलेल्या निर्णयानुसार फ्लेवर्ड दूध हे मुळात 'दुधाचे पेय' आहे आणि त्यावर १२ टक्के जीएसटी लागू होईल. दरम्यान, गुजरात AAAR ने वर्गीकरणावरील AAR निर्णयाला दुजोरा दिला आणि म्हटले की फ्लेवर्ड दूध हे दूध नसून दूध असलेले पेय आहे. असे दूध नैसर्गिक स्वरूपाचे नसून दुधावर विशिष्ट प्रक्रिया केल्यावर ते प्राप्त होते असा निकाल गुजरात AAAR ने दिला.

अरे देवा! रेल्वे स्टेशनवर टॉयलेट वापरल्याचे ११२ रुपये, GST सह वसुली, घडलं तरी काय?

दुग्धजन्य पदार्थांवर जीएसटी
जुलै २०१७ मध्ये लागू झालेला जीएसटी दुधावर तसेच गोड दही-आधारित पेय लस्सीवर लावला जात नाही. पण, फ्लेवर्ड लस्सी जीएसटीच्या कक्षेबाहेर राहिली तरीही फ्लेवर्ड दुधावर १२ टक्के कर आकारला जातो.