सीए प्रफुल्ल छाजेड
८०सी कलमानुसार दीड लाखांची वजावट
१) माझे वय ७० वर्षे असून कर वजावटीच्या दृष्टीने चालू आर्थिक वर्षात ज्येष्ठ नागरिकांसाठीच्या कोणत्या पेन्शन योजनेमध्ये गुंतवणूक करणे योग्य ठरेल? ही वजावट किती असेल, ते कृपया सांगावे.
एक वाचक
आपले वय ७० असल्याने आपल्याला पेन्शन योजनांमध्ये सहभागी होता येणार नाही. ज्येष्ठ नागरिकांसाठीच्या विशिष्ट गुंतवणूक योजनांमध्ये आपण पैसे ठेवू शकता. सीनिअर सिटिझन सेव्हिंग्ज स्कीम, पोस्टाची मासिक व्याज योजना, वयवंदना योजना आदी योजनांत आपण गुंतवणूक करू शकता. यातील सीनिअर सिटिझन सेव्हिंग्ज स्कीममध्ये प्राप्तिकर कायद्याच्या ८०सी कलमानुसार तुम्हाला कर वजावट मिळेल. (८०सी सवलतीमधील सर्व प्रकारच्या गुंतवणुकींवर मिळून जास्तीत जास्त दीड लाख रुपयांची रक्कम कर वजावटीस पात्र आहे.)
२) मी एक निवृत्त कर्मचारी असून गेल्या आर्थिक वर्षात भविष्य निर्वाह निधी व ग्रॅच्युइटीपोटी मला काही रक्कम मिळाली आहे. माझ्या नावे घर अथवा तत्सम संपत्ती नाही. निवृत्ती वेतन व मुदत ठेवींवरील व्याज हे माझे उत्पन्न आहे. प्राप्तिकराचे विवरणपत्र सादर करण्यासाठी मी कोणता अर्ज भरावा हे कृपया सांगावे. तसेच, भविष्य निर्वाह निधी, ग्रॅच्युइटी व पीपीएफच्या व्याजाची रक्कम मी कोणत्या रकान्यात दाखवणे आवश्यक आहे?
स्मिता पी.
प्राप्तिकर खात्याने दिलेला आयटीआर-1 हा अर्ज आपण विवरणपत्र सादर करण्यासाठी भरावा. तसेच, पीपीएफ व्याज वगैरे उत्पन्नाची नोंद या अर्जातील करमुक्त उत्पन्नाच्या रकान्यात करावी.
३) काही वर्षांपूर्वी मी माझ्या भावाला कर्जाऊ रक्कम दिली होती. माझा भाऊ या रकमेची सव्याज परतफेड करण्यासाठी माझ्या खात्यात दरमहा (साधारण वर्षभर) ५० ते ६० हजार रुपये जमा करणार आहे. या नोंदी माझ्या उत्पन्नात कशा दाखवाव्या लागतील, तसेच हे उत्पन्न करपात्र असेल का, असल्यास किती कर आकारला जाईल, हे कृपया सांगावे. माझे वय ६० वर्षे असून भावाकडून मिळणाऱ्या अपेक्षित उत्पन्नाव्यतिरिक्त माझे वार्षिक उत्पन्न ६० हजार रुपये आहे.
एक वाचक
भावाकडून परतफेडीने मिळणारी रक्कम करपात्र नसते. मात्र तुम्ही कर्जाऊ दिलेल्या रकमेची त्याने सव्याज परतफेड केली असेल तर व्याजाची रक्कम करपात्र ठरेल. ज्येष्ठ नागरिकांचे तीन लाख रूपयांपर्यंतचे उत्पन्न हे करमुक्त असते. त्यामुळे तुमचे मूळ उत्पन्न व हे व्याजाचे उत्पन्न तीन लाख रूपयांपेक्षा अधिक असेल तर तीन लाखांपुढील उत्पन्न करपात्र मानले जाईल.
८०सी कलमानुसार दीड लाखांची वजावट
१) माझे वय ७० वर्षे असून कर वजावटीच्या दृष्टीने चालू आर्थिक वर्षात ज्येष्ठ नागरिकांसाठीच्या कोणत्या पेन्शन योजनेमध्ये गुंतवणूक करणे योग्य ठरेल? ही वजावट किती असेल, ते कृपया सांगावे.
एक वाचक
आपले वय ७० असल्याने आपल्याला पेन्शन योजनांमध्ये सहभागी होता येणार नाही. ज्येष्ठ नागरिकांसाठीच्या विशिष्ट गुंतवणूक योजनांमध्ये आपण पैसे ठेवू शकता. सीनिअर सिटिझन सेव्हिंग्ज स्कीम, पोस्टाची मासिक व्याज योजना, वयवंदना योजना आदी योजनांत आपण गुंतवणूक करू शकता. यातील सीनिअर सिटिझन सेव्हिंग्ज स्कीममध्ये प्राप्तिकर कायद्याच्या ८०सी कलमानुसार तुम्हाला कर वजावट मिळेल. (८०सी सवलतीमधील सर्व प्रकारच्या गुंतवणुकींवर मिळून जास्तीत जास्त दीड लाख रुपयांची रक्कम कर वजावटीस पात्र आहे.)
२) मी एक निवृत्त कर्मचारी असून गेल्या आर्थिक वर्षात भविष्य निर्वाह निधी व ग्रॅच्युइटीपोटी मला काही रक्कम मिळाली आहे. माझ्या नावे घर अथवा तत्सम संपत्ती नाही. निवृत्ती वेतन व मुदत ठेवींवरील व्याज हे माझे उत्पन्न आहे. प्राप्तिकराचे विवरणपत्र सादर करण्यासाठी मी कोणता अर्ज भरावा हे कृपया सांगावे. तसेच, भविष्य निर्वाह निधी, ग्रॅच्युइटी व पीपीएफच्या व्याजाची रक्कम मी कोणत्या रकान्यात दाखवणे आवश्यक आहे?
स्मिता पी.
प्राप्तिकर खात्याने दिलेला आयटीआर-1 हा अर्ज आपण विवरणपत्र सादर करण्यासाठी भरावा. तसेच, पीपीएफ व्याज वगैरे उत्पन्नाची नोंद या अर्जातील करमुक्त उत्पन्नाच्या रकान्यात करावी.
३) काही वर्षांपूर्वी मी माझ्या भावाला कर्जाऊ रक्कम दिली होती. माझा भाऊ या रकमेची सव्याज परतफेड करण्यासाठी माझ्या खात्यात दरमहा (साधारण वर्षभर) ५० ते ६० हजार रुपये जमा करणार आहे. या नोंदी माझ्या उत्पन्नात कशा दाखवाव्या लागतील, तसेच हे उत्पन्न करपात्र असेल का, असल्यास किती कर आकारला जाईल, हे कृपया सांगावे. माझे वय ६० वर्षे असून भावाकडून मिळणाऱ्या अपेक्षित उत्पन्नाव्यतिरिक्त माझे वार्षिक उत्पन्न ६० हजार रुपये आहे.
एक वाचक
भावाकडून परतफेडीने मिळणारी रक्कम करपात्र नसते. मात्र तुम्ही कर्जाऊ दिलेल्या रकमेची त्याने सव्याज परतफेड केली असेल तर व्याजाची रक्कम करपात्र ठरेल. ज्येष्ठ नागरिकांचे तीन लाख रूपयांपर्यंतचे उत्पन्न हे करमुक्त असते. त्यामुळे तुमचे मूळ उत्पन्न व हे व्याजाचे उत्पन्न तीन लाख रूपयांपेक्षा अधिक असेल तर तीन लाखांपुढील उत्पन्न करपात्र मानले जाईल.