वृत्तसंस्था, नवी दिल्ली
छोट्या, मोठ्या आणि सर्वप्रकारच्या कारवरील कर चार टक्क्यांपर्यंत वाढवून केंद्र सरकारने सर्वांना अनपेक्षित धक्का दिला आहे. या निर्णयामुळे सर्वच प्रकारच्या कारच्या किमती वाढणार आहेत. याशिवाय डिझेल कारच्या किमतीत सर्वाधिक वाढ करण्यात आली आहे.
केंद्रीय अर्थमंत्री अरुण जेटली यांनी सोमवारी मांडलेल्या अर्थसंकल्पात पेट्रोल, सीएनजी, एलपीजीवर धावणाऱ्या छोट्या कारवर एक टक्का कराची तरतूद केली आहे; तर डिझेलवर धावणाऱ्या कारच्या किमतीवर अडीच टक्के कराची तरतूद करण्यात आली आहे. उच्च क्षमतेच्या एसयूव्ही कारवरही चार टक्के करवाढ सुचविण्यात आली आहे. त्यामुळे छोट्या कारवर अवलंबून असणारा सामान्य मध्यमवर्गीय नाराज होण्याची शक्यता आहे.
‘दहा लाख रुपयांपेक्षा अधिक किमतीच्या लक्झरी कारच्या खरेदीवर अतिरिक्त एक टक्के करवाढ प्रस्तावित करण्यात आली आहे. देशातील महानगरे, तसेच मोठ्या शहरांमध्ये प्रदूषण आणि वाहतुकीची समस्या मोठ्या प्रमाणावर भेडसावत आहे. त्यामुळे पेट्रोल, एलपीजी आणि सीएनजीवर धावणाऱ्या कारच्या खरेदीवर एक टक्का कर लागू करण्यात आला आहे. या शिवाय डिझेल कारच्या खरेदीवर अडीच टक्के कर लागू करण्यात येणार आहे. तर, उच्च क्षमतेच्या एसयूव्ही कारच्या खरेदीवर चार टक्के कर लागू करण्यात आला आहे,’ अशी माहिती जेटली यांनी दिली.
ज्या छोट्या कारची लांबी चार मीटरपेक्षा कमी आहे, तसेच त्यांची इंजिन क्षमता १२०० सीसीपेक्षा कमी आहे, अशाच कारखरेदीवर एक टक्का करवाढ सुचविण्यात आली आहे. ज्या डिझेल कारची लांबी चार मीटरपेक्षा कमी आहे आणि इंजिनाची क्षमता दीड हजार सीसीपेक्षा कमी आहे, त्यांना अडीच टक्के करवाढ सुचविण्यात आली आहे. सरसकट सर्वच एसयूव्हींच्या खरेदीवर चार टक्के कर आकारण्यात येणार आहे, असेही जेटली म्हणाले.
वाहन उद्योगातील सूत्रांनी दिलेल्या माहितीनुसार, नव्या करवाढीमुळे मारुती अल्टो किंवा टाटाच्या नॅनोसारख्या लहान कारच्या किंमतीत अडीच हजार रुपये, तर तीस लाखांहून अधिक किंमतीच्या महागड्या एसयूव्ही गाड्यांच्या किंमतीत ४ लाख रुपयांची वाढ होण्याची शक्यता आहे.
पर्यावरणपूरक वाहने करमुक्त
‘तीन चाकी वाहने, बॅटरीवर धावणारी, हायब्रिड वाहने, हायड्रोजन इंधनावर धावणारी वाहने, दिव्यांग व्यक्तींची वाहतूक करणारी वाहने, अॅम्ब्युलन्स आदी वाहनांना करांतून सवलत देण्यात आली आहे,’ असेही जेटली यांनी नमूद केले.
छोट्या, मोठ्या आणि सर्वप्रकारच्या कारवरील कर चार टक्क्यांपर्यंत वाढवून केंद्र सरकारने सर्वांना अनपेक्षित धक्का दिला आहे. या निर्णयामुळे सर्वच प्रकारच्या कारच्या किमती वाढणार आहेत. याशिवाय डिझेल कारच्या किमतीत सर्वाधिक वाढ करण्यात आली आहे.
केंद्रीय अर्थमंत्री अरुण जेटली यांनी सोमवारी मांडलेल्या अर्थसंकल्पात पेट्रोल, सीएनजी, एलपीजीवर धावणाऱ्या छोट्या कारवर एक टक्का कराची तरतूद केली आहे; तर डिझेलवर धावणाऱ्या कारच्या किमतीवर अडीच टक्के कराची तरतूद करण्यात आली आहे. उच्च क्षमतेच्या एसयूव्ही कारवरही चार टक्के करवाढ सुचविण्यात आली आहे. त्यामुळे छोट्या कारवर अवलंबून असणारा सामान्य मध्यमवर्गीय नाराज होण्याची शक्यता आहे.
‘दहा लाख रुपयांपेक्षा अधिक किमतीच्या लक्झरी कारच्या खरेदीवर अतिरिक्त एक टक्के करवाढ प्रस्तावित करण्यात आली आहे. देशातील महानगरे, तसेच मोठ्या शहरांमध्ये प्रदूषण आणि वाहतुकीची समस्या मोठ्या प्रमाणावर भेडसावत आहे. त्यामुळे पेट्रोल, एलपीजी आणि सीएनजीवर धावणाऱ्या कारच्या खरेदीवर एक टक्का कर लागू करण्यात आला आहे. या शिवाय डिझेल कारच्या खरेदीवर अडीच टक्के कर लागू करण्यात येणार आहे. तर, उच्च क्षमतेच्या एसयूव्ही कारच्या खरेदीवर चार टक्के कर लागू करण्यात आला आहे,’ अशी माहिती जेटली यांनी दिली.
ज्या छोट्या कारची लांबी चार मीटरपेक्षा कमी आहे, तसेच त्यांची इंजिन क्षमता १२०० सीसीपेक्षा कमी आहे, अशाच कारखरेदीवर एक टक्का करवाढ सुचविण्यात आली आहे. ज्या डिझेल कारची लांबी चार मीटरपेक्षा कमी आहे आणि इंजिनाची क्षमता दीड हजार सीसीपेक्षा कमी आहे, त्यांना अडीच टक्के करवाढ सुचविण्यात आली आहे. सरसकट सर्वच एसयूव्हींच्या खरेदीवर चार टक्के कर आकारण्यात येणार आहे, असेही जेटली म्हणाले.
वाहन उद्योगातील सूत्रांनी दिलेल्या माहितीनुसार, नव्या करवाढीमुळे मारुती अल्टो किंवा टाटाच्या नॅनोसारख्या लहान कारच्या किंमतीत अडीच हजार रुपये, तर तीस लाखांहून अधिक किंमतीच्या महागड्या एसयूव्ही गाड्यांच्या किंमतीत ४ लाख रुपयांची वाढ होण्याची शक्यता आहे.
पर्यावरणपूरक वाहने करमुक्त
‘तीन चाकी वाहने, बॅटरीवर धावणारी, हायब्रिड वाहने, हायड्रोजन इंधनावर धावणारी वाहने, दिव्यांग व्यक्तींची वाहतूक करणारी वाहने, अॅम्ब्युलन्स आदी वाहनांना करांतून सवलत देण्यात आली आहे,’ असेही जेटली यांनी नमूद केले.