नवी दिल्ली :
महानगर टेलिफोन निगम लिमिटेडच्या (एमटीएनएल) २२ हजार कर्मचाऱ्यांचे एप्रिलचे पगार वेळेवर होतील, असा विश्वास निगमचे अध्यक्ष पी. के. पुरवार यांनी व्यक्त केला आहे. एमटीएनएल व बीएसएनएल या सरकाही टेलिकॉम कंपन्यांच्या कर्मचाऱ्यांच्या पगाराचा प्रश्न गेल्या काही महिन्यांपासून ऐरणीवर आला आहे. या दोन्ही कंपन्या तोट्यात असल्याने तसेच, त्यांच्यावर कर्जाचा बोजाही असल्याने कर्मचाऱ्यांचे पगार देताना प्रत्येक महिन्यात ओढाताण होते. गेल्या महिन्यात या दोन्ही कंपन्यांच्या कर्मचाऱ्यांचा पगार विलंबाने झाला होता. या पार्श्वभूमीवर पुरवार यांनी ही माहिती दिली.
एमटीएनएलच्या कर्मचाऱ्यांच्या मासिक पगाराचे बिल साधारण २०० कोटी रुपये असते. जमा रक्कम व अंतर्गत उत्पन्न स्रोतांच्या माध्यमातून एप्रिलचा पगार देण्यात येईल, असे पुरवार यांनी सांगितले. विविध स्रोतांतील वैध दाव्यांपोटी आम्हाला एक हजार कोटी रुपये मिळण्याची अपेक्षा आहे. ही रक्कम वसूल करण्यासाठी आमचे प्रयत्न सुरू आहेत. ही रक्कम मिळाल्यानंतर एमटीएनएलची स्थिती सुधारेल, असे त्यांनी सांगितले.
महानगर टेलिफोन निगम लिमिटेडच्या (एमटीएनएल) २२ हजार कर्मचाऱ्यांचे एप्रिलचे पगार वेळेवर होतील, असा विश्वास निगमचे अध्यक्ष पी. के. पुरवार यांनी व्यक्त केला आहे. एमटीएनएल व बीएसएनएल या सरकाही टेलिकॉम कंपन्यांच्या कर्मचाऱ्यांच्या पगाराचा प्रश्न गेल्या काही महिन्यांपासून ऐरणीवर आला आहे. या दोन्ही कंपन्या तोट्यात असल्याने तसेच, त्यांच्यावर कर्जाचा बोजाही असल्याने कर्मचाऱ्यांचे पगार देताना प्रत्येक महिन्यात ओढाताण होते. गेल्या महिन्यात या दोन्ही कंपन्यांच्या कर्मचाऱ्यांचा पगार विलंबाने झाला होता. या पार्श्वभूमीवर पुरवार यांनी ही माहिती दिली.
एमटीएनएलच्या कर्मचाऱ्यांच्या मासिक पगाराचे बिल साधारण २०० कोटी रुपये असते. जमा रक्कम व अंतर्गत उत्पन्न स्रोतांच्या माध्यमातून एप्रिलचा पगार देण्यात येईल, असे पुरवार यांनी सांगितले. विविध स्रोतांतील वैध दाव्यांपोटी आम्हाला एक हजार कोटी रुपये मिळण्याची अपेक्षा आहे. ही रक्कम वसूल करण्यासाठी आमचे प्रयत्न सुरू आहेत. ही रक्कम मिळाल्यानंतर एमटीएनएलची स्थिती सुधारेल, असे त्यांनी सांगितले.