रोमित गुहा, आर श्रीराम । मुंबई
रिलायन्स जिओच्या जाहिरातीत पंतप्रधान नरेंद्र मोदींचा चेहरा झळकल्यानंतर त्यावर उलटसुलट चर्चा सुरू होत्या. अनेकांनी जाहिरातीवर आक्षेप घेत टीका केली होती. मात्र रिलायन्स इंडस्ट्रीज लिमिटेडचे अध्यक्ष मुकेश अंबानी यांनी ‘नरेंद्र मोदी जसे तुमचे पंतप्रधान आहेत तसे आमचेही आहेत’, असं म्हणत जिओच्या जाहिरातीचं जोरदार समर्थन केलं आहे.
मुकेश अंबानी यांनी ‘इकनॉमिक टाइम्स’ला दिलेल्या मुलाखतीत जिओच्या जाहिरातीसंदर्भातील आपली भूमिका आणि उद्योगाची दिशा स्पष्ट केली. ‘पंतप्रधान नरेंद्र मोदींनी ‘डिजिटल इंडिया’ची दृष्टी दिली असल्यानं त्यांना त्याचं श्रेय न दिल्यास ते योग्य दिसलं नसतं. नरेंद्र मोदी जसे तुमचे पंतप्रधान आहेत तसे आमचेही आहेत. म्हणूनच जिओ लाँच करताना त्यांचा फोटो जाहिरातीत वापरला’, असं अंबानी म्हणाले.
‘तसंच रिलायन्स जिओ इन्फोकॉम ही केवळ एक टेलिकॉम ऑपरेटर कंपनी नाही, तर इंटरनेट कंपनी आहे. जिओ इन्फोकॉम इंटरनेट ऑफ थिंग्स, व्हर्चुअल रिअॅलिटी आणि ड्राइव्हरलेस कार यासह नवनिर्मितीची एक 'लाट' निर्माण करेल. अर्थात पहिल्या टप्प्यात कनेक्टिव्हिटी उद्योग मजबूत करण्यावर जोर असेल’, असं त्यांनी स्पष्ट केलं. जिओ लाँच होण्याआधीपासूनच या सेवेला जोरदार प्रतिसाद मिळल्याचा दावाही त्यांनी मुलाखती दरम्यान केला.
गुंतवणुकदारांनो निश्चिंत रहा!
जिओ लाँचिंगच्या वेळी अंबानींनी फ्री व्हॉइस कॉल आणि अत्यंत स्वस्त दरातील डेटा ऑफर जाहीर केल्यानंतर गुंतवणुकदारांमध्ये संभ्रमाचं वातावरण होतं. मात्र २.५ लाख कोटी रुपये गुंतवणूक करणाऱ्या ‘गुंतवणुकदारांनी बिलकूल चिंता करू नये. मला विश्वास आहे की आपल्याला कोणत्याही प्रकारे तोटा होणार नाही. याउलट आपल्याला १८-१९ टक्क्यांपर्यंत दमदार परतावा मिळेल’, असंही ते म्हणाले.
फोर्ब्जच्या माहितीनुसार, मुकेश अंबानीकडे २२.२ अब्ज डॉलर इतकी संपत्ती आहे. अंबानींनी ‘RIL’ च्या इतिहासातील कामगिरीचा उल्लेख करत म्हटलं की, ४० वर्षापूर्वी मी रिलायन्समध्ये सक्रिय झालो आणि या दरम्यान शेअरहोल्डर्सना २० टक्क्यांनुसार ‘CAGR’ ने परतावा दिला आहे. त्यामुळे हुशार गुंतवणुकदारांना नक्कीच ही गोष्ट लक्षात येईल, असं त्यांनी सांगितले.
अनिल अंबानींशी सलोख्याचे संबंध
जिओ इन्फोकॉम अनिल अंबानींच्या रिलायन्स कम्युनिकेशनसोबत इंफ्रास्ट्रक्चरसंदर्भात इतर ऑपरेटर्सप्रमाणेच व्यवहार करेल. आमचे अगदी चांगले संबंध आहेत, असंही त्यांनी स्पष्ट केलं.
रिलायन्स जिओच्या जाहिरातीत पंतप्रधान नरेंद्र मोदींचा चेहरा झळकल्यानंतर त्यावर उलटसुलट चर्चा सुरू होत्या. अनेकांनी जाहिरातीवर आक्षेप घेत टीका केली होती. मात्र रिलायन्स इंडस्ट्रीज लिमिटेडचे अध्यक्ष मुकेश अंबानी यांनी ‘नरेंद्र मोदी जसे तुमचे पंतप्रधान आहेत तसे आमचेही आहेत’, असं म्हणत जिओच्या जाहिरातीचं जोरदार समर्थन केलं आहे.
मुकेश अंबानी यांनी ‘इकनॉमिक टाइम्स’ला दिलेल्या मुलाखतीत जिओच्या जाहिरातीसंदर्भातील आपली भूमिका आणि उद्योगाची दिशा स्पष्ट केली. ‘पंतप्रधान नरेंद्र मोदींनी ‘डिजिटल इंडिया’ची दृष्टी दिली असल्यानं त्यांना त्याचं श्रेय न दिल्यास ते योग्य दिसलं नसतं. नरेंद्र मोदी जसे तुमचे पंतप्रधान आहेत तसे आमचेही आहेत. म्हणूनच जिओ लाँच करताना त्यांचा फोटो जाहिरातीत वापरला’, असं अंबानी म्हणाले.
‘तसंच रिलायन्स जिओ इन्फोकॉम ही केवळ एक टेलिकॉम ऑपरेटर कंपनी नाही, तर इंटरनेट कंपनी आहे. जिओ इन्फोकॉम इंटरनेट ऑफ थिंग्स, व्हर्चुअल रिअॅलिटी आणि ड्राइव्हरलेस कार यासह नवनिर्मितीची एक 'लाट' निर्माण करेल. अर्थात पहिल्या टप्प्यात कनेक्टिव्हिटी उद्योग मजबूत करण्यावर जोर असेल’, असं त्यांनी स्पष्ट केलं. जिओ लाँच होण्याआधीपासूनच या सेवेला जोरदार प्रतिसाद मिळल्याचा दावाही त्यांनी मुलाखती दरम्यान केला.
गुंतवणुकदारांनो निश्चिंत रहा!
जिओ लाँचिंगच्या वेळी अंबानींनी फ्री व्हॉइस कॉल आणि अत्यंत स्वस्त दरातील डेटा ऑफर जाहीर केल्यानंतर गुंतवणुकदारांमध्ये संभ्रमाचं वातावरण होतं. मात्र २.५ लाख कोटी रुपये गुंतवणूक करणाऱ्या ‘गुंतवणुकदारांनी बिलकूल चिंता करू नये. मला विश्वास आहे की आपल्याला कोणत्याही प्रकारे तोटा होणार नाही. याउलट आपल्याला १८-१९ टक्क्यांपर्यंत दमदार परतावा मिळेल’, असंही ते म्हणाले.
फोर्ब्जच्या माहितीनुसार, मुकेश अंबानीकडे २२.२ अब्ज डॉलर इतकी संपत्ती आहे. अंबानींनी ‘RIL’ च्या इतिहासातील कामगिरीचा उल्लेख करत म्हटलं की, ४० वर्षापूर्वी मी रिलायन्समध्ये सक्रिय झालो आणि या दरम्यान शेअरहोल्डर्सना २० टक्क्यांनुसार ‘CAGR’ ने परतावा दिला आहे. त्यामुळे हुशार गुंतवणुकदारांना नक्कीच ही गोष्ट लक्षात येईल, असं त्यांनी सांगितले.
अनिल अंबानींशी सलोख्याचे संबंध
जिओ इन्फोकॉम अनिल अंबानींच्या रिलायन्स कम्युनिकेशनसोबत इंफ्रास्ट्रक्चरसंदर्भात इतर ऑपरेटर्सप्रमाणेच व्यवहार करेल. आमचे अगदी चांगले संबंध आहेत, असंही त्यांनी स्पष्ट केलं.