मटा ऑनलाइन वृत्त। नवी दिल्ली
यंदाच्या केंद्रीय अर्थसंकल्पात केंद्र सरकारने ज्येष्ठ नागरिकांसाठी विशेष घोषणा केल्या आहेत. 'केंद्र सरकार देशातील सर्व वरिष्ठ नागरिकांसाठी एक आरोग्य कार्ड तयार करण्याची योजन तयार करत आहे', अशी घोषणा अर्थमंत्री अरुण जेटली यांनी लोकसभेत अर्थसंकल्प सादर करत असताना केली.
अर्थमंत्री आपल्या भाषणात पुढे म्हणाले की, या आरोग्य कार्डात संबंधित ज्येष्ठ नागरिकाच्या आरोग्याविषयी सर्व माहिती असणार आहे. या कार्डाद्वारे सरकार देशातील ज्येष्ठ नागरिकांच्या आरोग्याकडे विशेष लक्ष देऊ इच्छिते. या व्यतिरिक्त सरकार ज्येष्ठ नागरिकांसाठी एक नवी एलआयसी योजनाही आणणार आहे. या नव्या योजनेत ज्येष्ठ नागरिकांना ८ टक्क्यांचा निश्चित परतावा दिला जाणार आहे.
अर्थसंकल्पात अंतर्भूत असलेल्या या दोन्ही योजना देशातील ज्येष्ठ नागरिकांच्या दृष्टीने अतिशय महत्त्वाच्या मानल्या जात आहेत. या योजनांद्वारे ज्येष्ठ नागरिकांचे हित आणि आरोग्याच्या संरक्षणात विशेष सुधारणा होण्याची आशा व्यक्त केली जात आहे.
यंदाच्या केंद्रीय अर्थसंकल्पात केंद्र सरकारने ज्येष्ठ नागरिकांसाठी विशेष घोषणा केल्या आहेत. 'केंद्र सरकार देशातील सर्व वरिष्ठ नागरिकांसाठी एक आरोग्य कार्ड तयार करण्याची योजन तयार करत आहे', अशी घोषणा अर्थमंत्री अरुण जेटली यांनी लोकसभेत अर्थसंकल्प सादर करत असताना केली.
अर्थमंत्री आपल्या भाषणात पुढे म्हणाले की, या आरोग्य कार्डात संबंधित ज्येष्ठ नागरिकाच्या आरोग्याविषयी सर्व माहिती असणार आहे. या कार्डाद्वारे सरकार देशातील ज्येष्ठ नागरिकांच्या आरोग्याकडे विशेष लक्ष देऊ इच्छिते. या व्यतिरिक्त सरकार ज्येष्ठ नागरिकांसाठी एक नवी एलआयसी योजनाही आणणार आहे. या नव्या योजनेत ज्येष्ठ नागरिकांना ८ टक्क्यांचा निश्चित परतावा दिला जाणार आहे.
अर्थसंकल्पात अंतर्भूत असलेल्या या दोन्ही योजना देशातील ज्येष्ठ नागरिकांच्या दृष्टीने अतिशय महत्त्वाच्या मानल्या जात आहेत. या योजनांद्वारे ज्येष्ठ नागरिकांचे हित आणि आरोग्याच्या संरक्षणात विशेष सुधारणा होण्याची आशा व्यक्त केली जात आहे.