एनकेजीएसबीची १००वी शाखा आजपासून

म. टा. खास प्रतिनिधी, मुंबई सहकारी बँकिंग क्षेत्रातील एकेजीएसबी बँकेची १००वी शाखा शनिवारी, उद्यापासून सुरू होत आहे. ही शाखा मार्केट यार्ड, पुणे येथे सुरू करण्यात येणार आहे. सध्या बँकेच्या ९९ शाखा कार्यरत झाल्या असून चालू आर्थिक वर्ष संपेपर्यंत बँक आणखी सहा शाखा सुरू करण्यार आहे.

बँकेच्या शताब्दी वर्षाला २०१६-१७ या आर्थिक वर्षात सुरुवात होणार आहे. बँकेने एकूण व्यवसायाचा १० हजार कोटी रुपयांचा टप्पा पार केला आहे. एनकेजीएसबी बँकेत सुमारे १ हजार २०० कर्मचारी विविध पदांवर कार्यरत आहेत. व्यवसायाच्या शताब्दीनिमित्ताने अद्ययावत तंत्रज्ञान ग्राहकांसाठी उपलब्ध करून देण्याचे बँकेने ठरवले आहे. यासाठी सुसज्ज अशा डेटा सेंट्रची निर्मिती करण्यात येत आहे. बँकेने इन्फोसिसकडून फिनॅकल हे तंत्रज्ञान ग्राहकांसाठी घेतले आहे. ग्राहकांना सर्व प्रकारच्या आर्थिक सेवा एकाच छत्राखाली देता याव्यात यासाठी बँकेने म्युच्युअल फंड योजनांचे वितरणही करायचे ठरवले आहे.