मुंबईला ‘ठेंगा’!

मुंबई ः राज्यात पायाभूत् सुविधांसाठी अर्थसंकल्पात सुमारे २३ हजार कोटी रुपयांची तरतूद असली तरी मुंबईसाठी मात्र कोणतीही तरतूद करण्यात आलेली नाही. मेट्रो, उपनगरीय रेल्वे सेवा यासारख्या सुविधांचा अर्थसंकल्पात उल्लेख करण्यात आला असला तरी प्रत्यक्षात केंद्र सरकारने त्यांच्या अर्थसंकल्पात केलेल्या तरतूदींचाच हा उल्लेख आहे.

मुंबई उपनगरीय सेवेमध्ये सुधारणा करण्यासाठी मुंबई नागरी परिवहन प्रकल्प टप्पा ३ अंतर्गत १० हजार कोटी ९४८ कोटी अंदाजित खर्चाचे प्रकल्प मुंबई रेल्वे विकास कॉर्पोरेशनमार्फत केंद्र व राज्य सरकारच्या ५० ५० टक्के आर्थिक सहभागागने हाती घेण्यात आले आहे. या प्रकल्पाकरीता केंद्राने ५१९ कोटी रुपयांची तरतूद केली आहे. राज्य सरकारने ५० टक्के सहभागाची रक्कम ही एमएमआरडीए व सिडको यांनी सोसण्याबाबतच्या सूचना देण्यात आल्या आहेत.