पेन्शनधारकांसाठी बदलला महत्त्वाचा नियम, तुमच्यावर काय होणार परिणाम

मुंबई: भारतीय विमा नियामक आणि विकास प्राधिकरणाने (IRDA) मंगळवारी सांगितले की त्यांनी NPS (राष्ट्रीय पेन्शन योजना) रकमेतून निवृत्तीवेतन मिळविण्यासाठी निवृत्तीच्या वेळी वेगळा फॉर्म सादर करण्याची आता गरज नाही. विमा उद्योगात व्यवसाय करणे सोपे व्हावे आणि पॉलिसीधारकांच्या हिताचे रक्षण व्हावे हा या निर्णयामागचा उद्देश असल्याचे आयआरडीएने म्हटले आहे.

नियामकाने एक परिपत्रक जारी करून ही माहिती दिली आहे. आतापर्यंत एनपीएसमध्ये समाविष्ट असलेल्या सेवानिवृत्तांना पेन्शन फंड रेग्युलेटरी अँड डेव्हलपमेंट अथॉरिटी (PFRDA) कडे पैसे काढण्यासाठी फॉर्म आणि विमा कंपन्यांकडे रिझोल्यूशन फॉर्म सबमिट करावा लागत होता. आयआरडीएने सांगितले की, आता एनपीएसचे पैसे काढण्याचा फॉर्म पेन्शन खरेदीचा प्रस्ताव फॉर्म म्हणून ग्राह्य धरला जाईल. यामुळे ज्येष्ठ नागरिकांची तसेच विमा कंपन्यांचीही सोय होणार आहे.

जेफ बेजोसनी एका झटक्यात गमावले ८० हजार कोटी; गौतम अदानींना होणार मोठा फायदा

पेन्शन

विमा कंपन्या या एकमेव पेन्शन सेवा पुरवठादार आहेत. हे विमा नियामकाद्वारे नियंत्रित केले जातात. हे पीएफआरडीएद्वारे सूचीबद्ध आहेत. या कंपन्या एनपीएस ग्राहकांना त्यांनी जमा केलेल्या रकमेच्या आधारे पेन्शन देतात. एनपीएसअंतर्गत पीएफआरडीए चा पेन्शन फंड हाताळणारे व्यवस्थापक आहेत. हा फंड ते त्यांच्या मर्जीनुसार वेगवेगळ्या पर्यायांमध्ये गुंतवतात. पीएफआरडीएच्या नियमांनुसार, सदस्यांना त्यांच्या जमा झालेल्या पेन्शन रकमेच्या किमान ४० टक्के रक्कम मंथली पेन्शन प्रॉडक्ट खरेदी करण्यासाठी वापरावे लागतील. याशिवाय उर्वरित रक्कम एकरकमी घेता येईल.

कर्मचाऱ्यांसाठी आनंदाची बातमी, वर्क फ्रॉम होम कायम ठेवण्याबद्दल या कंपनीच्या CEO

NPS म्हणजे काय

एनपीएस ही दीर्घकालीन गुंतवणूक योजना आहे, जी केंद्र सरकारद्वारे संरक्षित आहे. यामध्ये लोकांना गुंतवणूक करण्यास प्रोत्साहित केले जाते, जेणेकरून त्यांना निवृत्तीनंतर चांगली पेन्शन आणि एकरकमी रक्कम मिळू शकेल. या योजनेत केवळ सशस्त्र दल गुंतवणूक करू शकत नाही. रिटर्न्सबद्दल बोलायचे झाले तर, ही मार्केट लिंक्ड स्कीम आहे, त्यामुळे त्यातील रिटर्न्स बदलत राहतात, परंतु गुंतवणूकदारांना सरासरी ८ ते १० टक्के वार्षिक परतावा मिळतो. यामध्ये गुंतवणूक करून तुम्हाला कर सूट ही मिळू शकते. वयाच्या ५० व्या वर्षापर्यंत तुम्ही यामध्ये गुंतवणूक सुरू करू शकता. एनपीएस वयाच्या ६० व्या वर्षी मॅच्युर होते.