वृत्तसंस्था, नवी दिल्ली
प्राप्तिकर विवरणपत्र सादर करण्यासाठी पॅन कार्ड अनिवार्य नसून आधार कार्डाच्या साह्यानेही ही प्रक्रिया पूर्ण करता येईल, असा निर्वाळा केंद्रीय अर्थमंत्री निर्मला सीतारामन यांनी अर्थसंकल्पात दिला होता. यामुळे पॅन कार्डची आवश्यकताच संपुष्टात येणार या शक्यतेने जोर धरला होता. मात्र, यात काहीच तथ्य नसून पॅन कार्डचे अस्तित्व व महत्त्व पूर्वीप्रमाणेच अबाधित राहणार असल्याचे प्राप्तिकर विभागाने स्पष्ट केले आहे. याशिवाय, आधारच्या साह्याने प्राप्तिकर विवरणपत्र सादर करणाऱ्या करदात्यांना हा विभाग स्वत:हून पॅन कार्ड उपलब्ध करून देणार आहे. केंद्रीय प्रत्यक्ष कर मंडळाचे अध्यक्ष प्रमोदचंद्र मोदी यांनी ही माहिती दिली.
'पॅन कार्डचे अस्तित्व संपलेले नाही. कर विवरणपत्रासाठी आधारच्या वापराची मुभा ही अतिरिक्त सुविधा आहे. ही सुविधा म्हणजे पॅन कार्डशी आधार जोडणीसंबंधी यापूर्वीच लागू करण्यात आलेल्या नियमाचाच एक भाग आहे,' असे मोदी यांनी स्पष्ट केले. एखाद्या करदात्याने आधारच्या साह्याने कर विवरणपत्र भरले व त्यात पॅन कार्डचा उल्लेख नसेल, तर कर विभाग त्याला स्वत:हून पॅन कार्ड वितरित करेल व पॅन-आधार जोडणीचा उद्देशही सफल होईल, असेही ते म्हणाले.
प्राप्तिकर विवरणपत्र सादर करण्यासाठी पॅन कार्ड अनिवार्य नसून आधार कार्डाच्या साह्यानेही ही प्रक्रिया पूर्ण करता येईल, असा निर्वाळा केंद्रीय अर्थमंत्री निर्मला सीतारामन यांनी अर्थसंकल्पात दिला होता. यामुळे पॅन कार्डची आवश्यकताच संपुष्टात येणार या शक्यतेने जोर धरला होता. मात्र, यात काहीच तथ्य नसून पॅन कार्डचे अस्तित्व व महत्त्व पूर्वीप्रमाणेच अबाधित राहणार असल्याचे प्राप्तिकर विभागाने स्पष्ट केले आहे. याशिवाय, आधारच्या साह्याने प्राप्तिकर विवरणपत्र सादर करणाऱ्या करदात्यांना हा विभाग स्वत:हून पॅन कार्ड उपलब्ध करून देणार आहे. केंद्रीय प्रत्यक्ष कर मंडळाचे अध्यक्ष प्रमोदचंद्र मोदी यांनी ही माहिती दिली.
'पॅन कार्डचे अस्तित्व संपलेले नाही. कर विवरणपत्रासाठी आधारच्या वापराची मुभा ही अतिरिक्त सुविधा आहे. ही सुविधा म्हणजे पॅन कार्डशी आधार जोडणीसंबंधी यापूर्वीच लागू करण्यात आलेल्या नियमाचाच एक भाग आहे,' असे मोदी यांनी स्पष्ट केले. एखाद्या करदात्याने आधारच्या साह्याने कर विवरणपत्र भरले व त्यात पॅन कार्डचा उल्लेख नसेल, तर कर विभाग त्याला स्वत:हून पॅन कार्ड वितरित करेल व पॅन-आधार जोडणीचा उद्देशही सफल होईल, असेही ते म्हणाले.