वृत्तसंस्था, नवी दिल्ली नॅशनल थर्मल पॉवर कॉर्पोरेशन लिमिटेड अर्थात एनटीपीसीच्या ५ टक्के हिश्शाची विक्री सरकारने मंगळवारी सुरू केली. याला मोठ्या प्रमाणात प्रतिसाद मिळाला असून परदेशी गुंतवणूकदार संस्थांनी ७ हजार २८७ कोटी रुपयांच्या बोली लावल्या. प्रत्यक्षात या हिस्साविक्रीची किंमत ५ हजार ३० कोटी रुपये आहे. या हिस्साविक्रीसाठी सरकारने दोन दिवसांची ऑफर फॉर सेल ठेवली आहे. याच्या पहिल्या दिवशी गुंतवणूकदार संस्थांना ३२.९८ कोटी समभाग देण्यात आले. या समभागांसाठी प्रति भाग १२२ रुपये किंमत मिळाली. रिटेल गुंतवणूकदारांना ८.२४ कोटी समभाग देण्यात येणार आहेत. यांचे वितरण बुधवारी करण्यात येणार आहे.
एनटीपीसीच्या हिस्साविक्रीला गती
नॅशनल थर्मल पॉवर कॉर्पोरेशन लिमिटेड अर्थात एनटीपीसीच्या ५ टक्के हिश्शाची विक्री सरकारने मंगळवारी सुरू केली. याला मोठ्या प्रमाणात प्रतिसाद मिळाला असून परदेशी गुंतवणूकदार संस्थांनी ७ हजार २८७ कोटी रुपयांच्या बोली लावल्या.
Maharashtra Times 24 Feb 2016, 3:00 am