OLA कर्मचार्‍यांना कामावरून कमी करण्याच्या तयारीत, इतक्या कर्मचाऱ्यांना पाठवली नोटीस

मुंबई: हल्ली अनेक कंपन्या मोठ्या प्रमाणात कर्मचारी कमी करत आहेत. अलीकडे, सॉफ्टवेअर कंपनी एचसीएल टेक्नॉलॉजीजने जागतिक स्तरावर मोठ्या प्रमाणात ले ऑफ केले होते. आता ओलाने आपल्या सॉफ्टवेअर टीमच्या कर्मचाऱ्यांना पिंक स्लिप देण्यास सुरुवात केली आहे. कंपनी एएनआय टेक्नॉलॉजीच्या विविध सॉफ्टवेअर वर्टिकलमधून किमान २०० कर्मचाऱ्यांना काढून टाकणार आहे. असे म्हटले जात आहे की यातील अनेक कर्मचारी असे आहेत, जे ओला अॅपच्या वेगवेगळ्या सेगमेंटमध्ये काम करत होते.

ओलाने यापूर्वी कर्मचाऱ्यांना काढून टाकले आहे

अहवालानुसार, ओला इलेक्ट्रिकच्या घसरत्या विक्रीनंतर कंपनीने कर्मचारी कमी करण्याचा निर्णय घेतला आहे. ओलाने गेल्या वर्षी डिसेंबरमध्ये आपली इलेक्ट्रिक स्कूटर लॉन्च केली होती. गेल्या अनेक महिन्यांपासून कंपनी आपल्या इलेक्ट्रिक वाहन विभागाचा विस्तार करण्यामध्ये व्यस्त आहे. ओला कार्स आणि क्विक कॉमर्स व्यवसाय ओला डॅश बंद झाल्यामुळे कंपनीने यापूर्वी सुमारे २००० कर्मचाऱ्यांना कामावरून काढून टाकले होते.

मुकेश अंबानींनी केरळच्या गुरुवायूर मंदिरात केली पूजा, दिले आतापर्यंतचे सर्वात मोठे दान

अनेक अधिकारी कंपनी सोडून गेले

ओलाचे सीईओ भाविश अग्रवाल यांच्या नेतृत्वाखालील टीमच्या सदस्यांसह ३० हून अधिक वरिष्ठ अधिकाऱ्यांनी गेल्या दोन वर्षांत कंपनी सोडली आहे. या वर्षी जुलै महिन्यात ओला इलेक्ट्रिकचे चार्जिंग नेटवर्क हेड यशवंत कुमार यांनी आपल्या पदाचा राजीनामा दिला होता. मात्र, २०० हून अधिक कर्मचाऱ्यांच्या कामावरून कमी करण्याबाबत कंपनीने काहीही सांगितलेले नाही. ओलाच्या प्रवक्त्याने किती कर्मचारी कमी करणार या संख्येवर भाष्य करण्यास नकार दिला.

कंपनीचे लक्ष्य काय आहे?

कंपनीने एका निवेदनात म्हटले आहे- 'ओला इलेक्ट्रिक, भारतातील सर्वात मोठी ईव्ही कंपनी, वाहन, सेल, बॅटरी, उत्पादन, ऑटोमेशन आणि ऑटोनॉमस इंजिनिअरिंगवर लक्ष केंद्रित करत आहे. याव्यतिरिक्त, कंपनी नॉन-सॉफ्टवेअर अभियांत्रिकी डोमेनवर देखील लक्ष केंद्रित करत आहे. कंपनीत सध्या सुमारे दोन हजार अभियंते आहेत. पुढील १८ महिन्यांत आपला अभियांत्रिकी टॅलेंट पूल ५००० पर्यंत वाढवण्याचे ओलाचे उद्दिष्ट आहे. या प्रयत्नांचा एक भाग म्हणून, कंपनी ऑपरेशन्सचे केंद्रीकरण करत आहे आणि अतिरिक्त संसाधने कमी करत आहे.

कमॉडिटी ट्रेडिंग करणारे अदानी आता झालेत जगातील दुसरे श्रीमंत व्यक्ती, इतके मोठे आहे

ओला स्कूटरच्या विक्रीत घट

मार्च महिन्यात ओला एस १ स्कूटरला आग लागली होती. यानंतरही ओला इलेक्ट्रिक स्कूटरला आग लागण्याच्या अनेक घटना घडल्या आहेत. त्यामुळे कंपनीच्या स्कूटरची मागणी घटली आहे. ओला स्कूटरच्या सॉफ्टवेअर आणि बॅटरीच्या कार्यप्रदर्शनाशी संबंधित ग्राहकांनी तक्रारी केल्या होत्या. एप्रिलपासून ओला स्कूटरच्या विक्रीत घट झाली आहे. वाहन नोंदणीच्या आकडेवारीनुसार, ओलाने ऑगस्टमध्ये ३,३५१ वाहनांची विक्री केली, जी गेल्या सहा महिन्यांतील सर्वात कमी विक्री आहे.

पेन्शनधारकांसाठी बदलला महत्त्वाचा नियम, तुमच्यावर काय होणार परिणाम

आता ओला किती कर्मचार्‍यांना कमी करणार आणि पुढे ओलाचे कामकाज कसे सुरू राहणार यावर सर्वांच लक्ष लागलं आहे. तर ओळमधील कर्मचार्‍यांचे टेन्शन देखील वाढले आहे.