मुंबई
संकटात सापडलेल्या जेट एअरवेज या विमान कंपनीसमोरील समस्या अधिकच तीव्र होण्याची चिन्हे दिसत असून, कंपनीच्या सुमारे १ हजार वैमानिकांनी एक एप्रिलपासून विमानांचे उड्डाण न करण्याचा निर्णय घेतला आहे.
बँकांकडून मदत मिळवण्यात अपयश आल्यानंतर लगेचच वैमानिकांनी हा निर्णय घेतल्याने कंपनीसमोर मोठी अडचण निर्माण झाली आहे. येत्या ३१ मार्चपर्यंत थकित वेतन न दिल्यास, तसेच पुनर्जीवन योजनेची स्थिती स्पष्ट न झाल्यास १ एप्रिलपासून एकही विमान उडणार नाही, अशी घोषणा जेट एअरवेजच्या सुमारे ११०० वैमानिकांच्या प्रतिनिधीत्त्वाचा दावा करणाऱ्या नॅशनल एव्हिएटर्स गिल्ड या संस्थेने गेल्याच आठवड्यात केली होती. यानंतर काही दिवसांत कर्जातून बाहेर येण्यासाठी तयार करण्यात आलेल्या योजनेअंतर्गत एअरलाइन्सचे व्यवस्थापन एसबीआय बँकेच्या हाती गेले होते.
दरम्यान, नरेश गोयल यांनी कंपनीच्या चेअरमनपदाचा राजीनामा दिला आहे. मात्र, त्यांच्या राजीनाम्यामुळे कंपनीच्या वाटेतील अडथळे दूर होतील अशी शक्यता नाही. या पार्श्वभूमीवर स्पर्धेतील स्पाइसजेट आणि इंडिगो आपले 'प्राइज वॉर' सुरूच ठेवण्याची शक्यता आहे. अशात येणाऱ्या काळात जेटपुढे आणखी संकटे उभे राहण्याची शक्यता आहे.
संकटात सापडलेल्या जेट एअरवेज या विमान कंपनीसमोरील समस्या अधिकच तीव्र होण्याची चिन्हे दिसत असून, कंपनीच्या सुमारे १ हजार वैमानिकांनी एक एप्रिलपासून विमानांचे उड्डाण न करण्याचा निर्णय घेतला आहे.
बँकांकडून मदत मिळवण्यात अपयश आल्यानंतर लगेचच वैमानिकांनी हा निर्णय घेतल्याने कंपनीसमोर मोठी अडचण निर्माण झाली आहे. येत्या ३१ मार्चपर्यंत थकित वेतन न दिल्यास, तसेच पुनर्जीवन योजनेची स्थिती स्पष्ट न झाल्यास १ एप्रिलपासून एकही विमान उडणार नाही, अशी घोषणा जेट एअरवेजच्या सुमारे ११०० वैमानिकांच्या प्रतिनिधीत्त्वाचा दावा करणाऱ्या नॅशनल एव्हिएटर्स गिल्ड या संस्थेने गेल्याच आठवड्यात केली होती. यानंतर काही दिवसांत कर्जातून बाहेर येण्यासाठी तयार करण्यात आलेल्या योजनेअंतर्गत एअरलाइन्सचे व्यवस्थापन एसबीआय बँकेच्या हाती गेले होते.
दरम्यान, नरेश गोयल यांनी कंपनीच्या चेअरमनपदाचा राजीनामा दिला आहे. मात्र, त्यांच्या राजीनाम्यामुळे कंपनीच्या वाटेतील अडथळे दूर होतील अशी शक्यता नाही. या पार्श्वभूमीवर स्पर्धेतील स्पाइसजेट आणि इंडिगो आपले 'प्राइज वॉर' सुरूच ठेवण्याची शक्यता आहे. अशात येणाऱ्या काळात जेटपुढे आणखी संकटे उभे राहण्याची शक्यता आहे.