पेटीएम क्यूआरची व्यापा-यांसाठी सुविधा

मुंबई ः पेटीएमने क्यूआर कोड सेवेच्या साह्याने व्यापाऱ्यांना पेमेंट सुविधा उपलब्ध करून दिली आहे. ही सुविधा ऑफलाइनही वापरता येणार असून त्याद्वारे व्यापारी शून्य टक्के शुल्काने थेट त्यांच्या बँक खात्यात रक्कम जमा करून घेऊ शकतील. ग्राहक पेटीएम, यूपीआय, कार्ड आणि नेटबँकिंग सारख्या पेमेंट पद्धती वापरून, पेटीएम क्यूआर कोड स्कॅन करून व्यापा-यांच्या दुकानात पेमेंट करू शकणार आहेत.

पेटीएम क्यूआर मुळे व्यापाऱ्यांना पीओएस मशीनवर जादा खर्च करण्याची गरज उरणार नाही. सध्या पेटीएम आपल्या ग्राहकांना अनेक ऑफलाइन आणि इनस्टोअर पेमेंटची सुविधा देत आहे. यामध्ये पार्किंग, टोलनाके, किराणामालाची दुकाने, मंदिरे, स्थानिक वाहतूक, रेल्वे व मेट्रो, शाळा व कॉलेजची फी आणि चलन, इ. पेमेंट्ससाठी ही सुविधा उपयुक्त आहे.