Petrol Price Today: क्रूडच्या दरात पुन्हा तेजी, पेट्रोल-डिझेलच्या किंमती वाढल्या? पाहा

नवी दिल्ली: भारतात दररोज सकाळी ६ वाजता सरकारी तेल कंपन्या पेट्रोल आणि डिझेलचे दर सुधारित करतात. आंतरराष्ट्रीय बाजारातील कच्च्या तेलाच्या किमतीच्या आधारावर या किमती ठरवल्या जातात. रशिया-युक्रेन युद्ध सुरु झाल्यापासून आंतरराष्ट्रीय बाजारात क्रूडचे दर विक्रमी पातळीवर पोहोचले होते. मात्र त्यांनतर कच्च्या तेलाच्या दरात चढ-उताराचे सत्र पाहायला मिळत आहेत. आजही आंतरराष्ट्रीय बाजारात कच्च्या तेलाच्या दरात वाढ नोंदवण्यात आली आहे.

कच्च्या तेलाचे दर
आज क्रूडच्या किमतीत मोठी वाढ नोंदवण्यात आली आहे. WTI क्रूड ऑइलच्या किमतीत ०.६३ टक्क्यांनी वाढून प्रति बॅरल $७७.५५ वर व्यापार करत आहे. तर ब्रेंट क्रूड ऑइलच्या किंमतीत ०.११ टक्क्यांनी मोठी वाढ झाली असून सध्या ते प्रति बॅरल $८३.६९ च्या आसपास व्यवहार करत आहे.

E20 पेट्रोल म्हणजे काय?, जाणून घ्या तुमच्या कार आणि खिशावर कसा होईल परिणाम

पेट्रोल आणि डिझेलचे दर
जागतिक पातळीवर कच्च्या तेलाच्या किमती वाढल्याने देशात पेट्रोल आणि डिझेलचे दर वाढले का? असा प्रश्न उपस्थित होतो. आज देशातील चारही महानगरांमध्ये इंधनाच्या दरात कोणताही बदल झालेला नाही. मुंबई, दिल्ली, चेन्नई आणि कोलकाता या चारही महानगरात पेट्रोल आणि डिझेलच्या किमती जुन्याच दरांवर कायम आहेत. मात्र, देशातील काही शहरातील दरांमध्ये काही चढउतार निश्चित नोंदवले गेले आहेत.

Gold Price Today: सोने-चांदीचे दर पुन्हा गडगडले, १० ग्रॅमसाठी आता मोजावे इतके रुपये

मुंबई आणि राज्यातील पेट्रोल-डिझेलचे दर
मुंबई : पेट्रोल १०६.३१ रुपये, डिझेल ९४.२७ रुपये प्रति लिटर
नागपूर : पेट्रोल १०६.०४ रुपये प्रति लिटर, डिझेल ९२.५९ रुपये प्रति लिटर
पुणे : पेट्रोल १०५.८४ रुपये प्रति लिटर, डिझेल ९२.३६ रुपये प्रति लिटर
कोल्हापूर : पेट्रोल १०६.४७ रुपये प्रति लिटर, डिझेल ९३.०१ रुपये प्रति लिटर
औरंगाबाद : पेट्रोल १०८ रुपये, डिझेल ९५.९६ रुपये प्रति लिटर
परभणी : १०९.४५ रुपये प्रति लिटर, डिझेल ९५.८१ रुपये प्रति लिटर
नाशिक : पेट्रोल १०६.७७ रुपये प्रति लिटर, डिझेल ९३.२७ रुपये प्रति लिटर