केंद्राचा दणका; पेट्रोल-डिझेल ३ रुपयांनी महागले

नवी दिल्ली : जागतिक बाजारात खनिज तेल स्वस्त झाल्याने देशात इंधन दर आणखी कमी होण्याची ग्राहकांच्या अपेक्षानांना सरकारने जोरदार दणका दिला आहे. केंद्र सरकारने पेट्रोल आणि डिझेलवरील उत्पादन शुल्कात शनिवारी भरमसाठ वाढ केली आहे. यामुळे पेट्रोल आणि डिझेल सरासरी ३ रुपयांनी महागणार आहे.

सरकारने पेट्रोलवरील विशेष उत्पादन शुल्कात तब्बल २ ते ८ रुपयांची वाढ केली आहे. तर डिझेलवरील उत्पादन शुल्कात प्रती लीटर ४ रुपयांची वाढ केली आहे. हे कमी की काय तर सरकारने रस्ते उपकर देखील वाढवला आहे. पेट्रोलवर रोड सेस १ रुपया आणि डिझेलवर १० रुपये वाढवला आहे. त्यामुळे पेट्रोल आणि डिझेलच्या दरात ३ रुपयांची वाढ झाली आहे.

... तर पेट्रोल ७० रुपयांखाली येणार!

गेल्या काही दिवसांपासून आंतरराष्ट्रीय बाजारात खनिज तेलाच्या भावात मोठी घसरण झाली होती. मागील सोमवारी तेलाचा भाव ३० टक्क्यांनी कोसळला होता. कमॉडिटी बाजारात तेलाचा भाव प्रती बॅरल ३३ डॉलर इतका खाली आला होता. भारतात खनिज तेल मिनरल वॉटरपेक्षाही स्वस्त झाले होते. खनिज तेलाच्या किंमतीमधील घसरणीच्या पार्श्वभूमीवर पेट्रोल ५ ते ६ रुपयांनी स्वस्त होईल , असा अंदाज जाणकारांनी व्यक्त करण्यात येत होता. मात्र त्यावर केंद्र सरकारने पाणी फेरले. दरम्यान आज पेट्रोल १४ पैसे आणि डिझेल १७ पैशांनी स्वस्त झाले.