विमान ३७ हजार फूट उंचीवर, दोन्ही पायलट गाढ झोपले, प्रवासी संकटात सापडले अन् मग...

अदीस अबाबा: विमानाला वाहतूक क्षेत्रातील सर्वात वेगवान साधन मानलं जातं. हवाई मार्गानं प्रवासी काही तासांमध्ये एका खंडातून दुसऱ्या खंडात जातो. विमान वाहतुकीनं दळणवळणाचा चेहरामोहरा बदलला. त्यामुळे जग आणखी जवळ आलं. मात्र अनेकदा विमानांना अपघात झाले. विमान अपघातात मृत्यूमुखी पडणाऱ्यांची संख्या प्रचंड मोठी आहे.

सुदानच्या खार्तुमहून इथिओपियाची राजधानी अदीस अबाबाला जाणाऱ्या इथोपियन कंपनीच्या विमानाच्या पायलट्सना गाढ झोप लागली. त्यामुळे बोईंग ७३७ विमान अदीस अबाबा विमानतळावर उतरू शकलं नाही. विमान ३७ हजार फूट उंचीवर असताना दोन्ही पायलट्स झोपी गेले. विमानाचं लँडिंग जवळ आलं असतानाही त्यांनी विमानाचा वेग कमी केला नाही. त्यांनी विमानं खालीही आणलं नाही. त्यामुळे हवाई वाहतूक नियंत्रण कक्षानं पायलट्सना अनेकदा मेसेज केले. मात्र दोन्ही पायलट्स गाढ झोपेत असल्यानं त्यांच्याकडून कोणताच प्रतिसाद मिळाला नाही.
रनवेवर विमान उतरत असतानाच दुसऱ्या विमानाची धडक; २०० फूट उंचीवर भीषण अपघाताचा थरार
एव्हिएशन हेराल्डच्या वृत्तानुसार ही घटना सोमवारी घडली. विमानानं सुदानच्या खार्तूम इथून इथिओपियाची राजधानी अदीस अबाबाला जाण्यासाठी उड्डाण केलं. विमान अदीस अबाबाजवळ पोहोचलं. मात्र विमान खाली येईना आणि वेगही कमी करेना. त्यामुळे हवाई वाहतूक नियंत्रण कक्षानं अलर्ट जारी केला. एटीसीनं अनेकदा पायलट्ससोबत संपर्क साधण्याचा प्रयत्न केला. मात्र त्यांना यश आलं नाही.
तिकीट बुक करताना तुम्ही आम्ही दिलेला डेटा रेल्वे विकणार? तब्बल इतक्या कोटींचा प्लान तयार
आकाशात असलेल्या विमानानं विमानतळाची धावपट्टी ओलांडताच ऑटो पायलट डिस्कनेक्ट झाला. त्यामुळे पायलट्सच्या केबिनमध्ये असलेला अलार्म वाजू लागला. त्या आवाजानं पायलट्सना जाग आली आणि त्यांनी विमान लँड केलं. जाग आल्यानंतर विमान लँड करण्यास पायलट्सना २५ मिनिटं लागली. दरम्यान विमानानं अनेकदा विमानतळाला घिरट्या घातल्या. सुदैवानं यामुळे कोणतंही नुकसान झालं नाही.

पायलट्सनी विमान सुरक्षितपणे लँड केलं. मात्र त्यानंतर विमानाचं पुढचं टेक ऑफ रद्द करण्यात आलं. जवळपास अडीच तास विमानाची तपासणी करण्यात आली. त्यानंतर विमानाला उड्डाणाची परवानगी देण्यात आली. एव्हिएशन सर्व्हिलान्स सिस्टम ADS-Bनं या घटनेला दुजोरा दिला आहे.