वृत्तसंस्था, नवी दिल्ली
बनावट हमीपत्रांच्या साह्याने केल्या गेलेल्या गैरव्यवहारामुळे त्रस्त असलेल्या पंजाब नॅशनल बँकेच्या (पीएनबी) मागचे शुक्लकाष्ठ संपण्याची कोणतीही चिन्हे नाहीत. या बँकेच्या मुंबईतील ब्रॅडी हाउस याच शाखेतून निवृत्त झालेल्या कर्मचाऱ्याने नऊ कोटी रुपये मूल्याची हमीपत्रे जारी केल्याचे सीबीआयने उघड केले आहे.
नीरव मोदी याने सुमारे १३ हजार कोटी रुपये पीएनबीच्या शीर्षपत्रांवरील हमीपत्रांच्या साह्याने अन्य बँकांतून घेतल्याला महिना उलटला आहे. या संदर्भात पीएनबीचा निवृत्त कर्मचारी गोकुळनाथ शेट्टी व एक खिडकी चालक मनोज खरात यांची सीबीआय चौकशी सध्या सुरू आहे. या दोघांविरोधात सीबीआयने आता नवा एफआयआर दाखल केला आहे. ३१ मे २०१७रोजी निवृत्त झालेला गोकुळनाथ शेट्टी याने मनोज खरात याला हाताशी घेऊन नऊ कोटी रुपयांसाठी हमीपत्रे जारी केल्याचे सीबीआयने नमूद केले आहे. शेट्टीने दोन हमीपत्रे जारी केली होती. त्यापैकी एक ९.०९ कोटी रुपये किंवा १.४ दशलक्ष डॉलर रकमेसाठी असून त्यामध्ये बेल्जियममधील अॅन्टवर्प शहरात असलेल्या एसबीआयच्या शाखेचा संदर्भ आहे. या हमीपत्रांचा मुदतपूर्ती दि. २० जानेवारी २०२० हा आहे.
बनावट हमीपत्रांच्या साह्याने केल्या गेलेल्या गैरव्यवहारामुळे त्रस्त असलेल्या पंजाब नॅशनल बँकेच्या (पीएनबी) मागचे शुक्लकाष्ठ संपण्याची कोणतीही चिन्हे नाहीत. या बँकेच्या मुंबईतील ब्रॅडी हाउस याच शाखेतून निवृत्त झालेल्या कर्मचाऱ्याने नऊ कोटी रुपये मूल्याची हमीपत्रे जारी केल्याचे सीबीआयने उघड केले आहे.
नीरव मोदी याने सुमारे १३ हजार कोटी रुपये पीएनबीच्या शीर्षपत्रांवरील हमीपत्रांच्या साह्याने अन्य बँकांतून घेतल्याला महिना उलटला आहे. या संदर्भात पीएनबीचा निवृत्त कर्मचारी गोकुळनाथ शेट्टी व एक खिडकी चालक मनोज खरात यांची सीबीआय चौकशी सध्या सुरू आहे. या दोघांविरोधात सीबीआयने आता नवा एफआयआर दाखल केला आहे. ३१ मे २०१७रोजी निवृत्त झालेला गोकुळनाथ शेट्टी याने मनोज खरात याला हाताशी घेऊन नऊ कोटी रुपयांसाठी हमीपत्रे जारी केल्याचे सीबीआयने नमूद केले आहे. शेट्टीने दोन हमीपत्रे जारी केली होती. त्यापैकी एक ९.०९ कोटी रुपये किंवा १.४ दशलक्ष डॉलर रकमेसाठी असून त्यामध्ये बेल्जियममधील अॅन्टवर्प शहरात असलेल्या एसबीआयच्या शाखेचा संदर्भ आहे. या हमीपत्रांचा मुदतपूर्ती दि. २० जानेवारी २०२० हा आहे.