वृत्तसंस्था, मुंबई
पंजाब नॅशनल बँकेमध्ये झालेल्या १४ हजार कोटी रुपयांच्या कर्जघोटाळा प्रकरणातील आरोपी, अलाहाबाद बँकेच्या पदच्युत मुख्य कार्यकारी अधिकारी उषा अनंतसुब्रमण्यन यांना येथील विशेष सीबीआय न्यायालयाने सोमवारी जामीन मंजूर केला.
नीरव मोदी व मेहुल चोक्सीने केलेल्या या कर्जघोटाळा प्रकरणी सीबीआयने दाखल केलेल्या आरोपपत्रात अनंतसुब्रमण्यन यांच्यावर ठपका ठेवण्यात आला होता. त्यांच्यावर कायदेशीर कारवाई करण्याची परवानगी केंद्र सरकारने सीबीआयला गेल्याच आठवड्यात दिली होती. पंजाब बँकेत व्यवस्थापकीय संचालकपदी असताना कर्जप्रक्रियेवर नियंत्रण राखण्यात त्यांनी कुचराई केली. या कुचराईमुळेच स्विफ्ट (सोसायटी फॉर वर्ल्डवाइड इंटरबँक फायनान्शिअल टेलिकम्युनिकेशन्स) या आंररराष्ट्रीय पेमेंट सुविधेचा मोदी व चोक्सीने गैरवापर केला, असा आरोप सीबीआयने केला होता. सीबीआयच्या विशेष न्यायालयाने अनंतसुब्रमण्यन यांना सोमवारी हजर रहाण्यासाठी समन्स बजावले होते. त्यानुसार सोमवारी त्या हजर झाल्या व त्यांनी जामिनासाठी अर्ज केला. विशेष न्यायाधीश जे. सी. जगदाळे यांनी त्यांचा जामीन अर्ज मंजूर केला.
अखेर गच्छंती...
उषा अनंतसुब्रमण्यम या पंजाब नॅशनल बँकेत दोन वेगवेगळ्या कार्यकाळात अधिकारपदावर होत्या. जुलै २०११ ते नोव्हेंबर २०१३ या कालावधीमध्ये त्या पंजाब बँकेच्या व्यवस्थापकीय संचालक होत्या. तर, ऑगस्ट २०१५ ते मे २०१७ या कालावधीत त्यांच्यावर या बँकेच्या सीईओपदाची जबाबदारी होती. यानंतर त्या अलाहाबाद बँकेच्या सीईओपदी रूजू झाल्या. पंजाब बँकेच्या काही शाखांच्या अधिकाऱ्यांनी नियम पायदळी तुडवून मोदी व चोक्सीला कर्जासाठीची हमीपत्र दिली होती. बँक अधिकारी व मोदीच्या संगनमताने हा प्रकार २०११पासून सुरू होता. गेल्या आठवड्यात अलाहाबाद बँकेच्या प्रमुखपदावरून त्यांची हकालपट्टी करण्यात आली.
पंजाब नॅशनल बँकेमध्ये झालेल्या १४ हजार कोटी रुपयांच्या कर्जघोटाळा प्रकरणातील आरोपी, अलाहाबाद बँकेच्या पदच्युत मुख्य कार्यकारी अधिकारी उषा अनंतसुब्रमण्यन यांना येथील विशेष सीबीआय न्यायालयाने सोमवारी जामीन मंजूर केला.
नीरव मोदी व मेहुल चोक्सीने केलेल्या या कर्जघोटाळा प्रकरणी सीबीआयने दाखल केलेल्या आरोपपत्रात अनंतसुब्रमण्यन यांच्यावर ठपका ठेवण्यात आला होता. त्यांच्यावर कायदेशीर कारवाई करण्याची परवानगी केंद्र सरकारने सीबीआयला गेल्याच आठवड्यात दिली होती. पंजाब बँकेत व्यवस्थापकीय संचालकपदी असताना कर्जप्रक्रियेवर नियंत्रण राखण्यात त्यांनी कुचराई केली. या कुचराईमुळेच स्विफ्ट (सोसायटी फॉर वर्ल्डवाइड इंटरबँक फायनान्शिअल टेलिकम्युनिकेशन्स) या आंररराष्ट्रीय पेमेंट सुविधेचा मोदी व चोक्सीने गैरवापर केला, असा आरोप सीबीआयने केला होता. सीबीआयच्या विशेष न्यायालयाने अनंतसुब्रमण्यन यांना सोमवारी हजर रहाण्यासाठी समन्स बजावले होते. त्यानुसार सोमवारी त्या हजर झाल्या व त्यांनी जामिनासाठी अर्ज केला. विशेष न्यायाधीश जे. सी. जगदाळे यांनी त्यांचा जामीन अर्ज मंजूर केला.
अखेर गच्छंती...
उषा अनंतसुब्रमण्यम या पंजाब नॅशनल बँकेत दोन वेगवेगळ्या कार्यकाळात अधिकारपदावर होत्या. जुलै २०११ ते नोव्हेंबर २०१३ या कालावधीमध्ये त्या पंजाब बँकेच्या व्यवस्थापकीय संचालक होत्या. तर, ऑगस्ट २०१५ ते मे २०१७ या कालावधीत त्यांच्यावर या बँकेच्या सीईओपदाची जबाबदारी होती. यानंतर त्या अलाहाबाद बँकेच्या सीईओपदी रूजू झाल्या. पंजाब बँकेच्या काही शाखांच्या अधिकाऱ्यांनी नियम पायदळी तुडवून मोदी व चोक्सीला कर्जासाठीची हमीपत्र दिली होती. बँक अधिकारी व मोदीच्या संगनमताने हा प्रकार २०११पासून सुरू होता. गेल्या आठवड्यात अलाहाबाद बँकेच्या प्रमुखपदावरून त्यांची हकालपट्टी करण्यात आली.