पीएनबीने घटवले कर्जदर

नवी दिल्ली ः पंजाब नॅशनल बँकेने (पीएनबी) मार्जिनल कॉस्ट बेस्ड लेंडिंग रेट (एमसीएलआर) पाव टक्क्याने कमी केला आहे. हा घटवलेला कर्जदर निवडक कर्जांना लागू करण्यात येईल. यामुळे या कर्जदरानुसार दिलेल्या कर्जांसाठी व्याजदर ७.७५ टक्के झाला आहे. नवे कर्जदर आज, १ सप्टेंबरपासून लागू होतील. बँकेने आधारदरही ०.२० टक्क्यांनी कमी करत ९.१५ टक्क्यांवर आणला आहे.

एक महिना, तीन महिने व सहा महिने मुदतीसाठी एमसीएलआर ०.२० टक्क्यांनी खाली आणण्यात आला आहे. एक वर्ष, तीन वर्षे व पाच वर्षे मुदतीसाठी एमसीएलआर ०.२० टक्के खाली आणत अनुक्रमे ८.१५, ८.३० व ८.४५ टक्के करण्यात आला आहे.