डाळ व्यापाऱ्यांवर आयकराचे छापे

करचुकवेगिरीसह कायद्याचे उल्लंघन उघडकीस

वृत्तसंस्था, नवी दिल्ली महाराष्ट्र, गुजरात यांच्यासह अन्य राज्यांत डाळ व्यापाऱ्यांवर आयकर विभागाने नुकतेच छापे घातल्याची माहिती लेखी उत्तरात केंद्रीय अर्थ राज्यमंत्री संतोष कुमार गंगवार यांनी लोकसभेत दिली. या व्यापाऱ्यांनी करचुकवेगिरीसह आयकर कायद्याचे उल्लंघन केल्याचे उघड झाले आहे.

डाळींच्या व्यापारात गुंतलेल्या या व्यापाऱ्यांच्या आस्थापनांवर हे छापे घालण्यात आल्या. महाराष्ट्र, गुजरात, मध्यप्रदेश व दिल्ली येथे ही आस्थापने असल्याचे गंगवार म्हणाले. डाळींच्या किमती प्रति किलो २०० रुपयांवर गेल्याने सरकारने साठेबाजांविरोधात धडक कारवाई सुरू केली आहे. डाळींच्या साठेबाजीमुळे डाळींचा महागाई दर जून महिन्यात २६.६१ टक्के झाला होता.