वृत्तसंस्था, मुंबई
शेअर बाजारातील यशस्वी गुंतवणूकदार अशी ख्याती मिळवलेले आणि अव्हेन्यू सुपरमार्केटचे संस्थापक राधाकिशन दमाणी यांनी देशातील दुसऱ्या क्रमांकाचे धनाढ्य व्यक्ती होण्याचा बहुमान पटकावला आहे. त्यांची एकूण संपत्ती १७.८ अब्ज डॉलरवर पोहोचली आहे, असे 'फोर्ब्ज'च्या 'रिअल टाइम बिलिनिअर्स इंडेक्स'मध्ये नमूद करण्यात आले आहे.
गेल्या आठवड्यात अव्हेन्यू सुपरमार्केटच्या समभागात ५ टक्क्यांहून अधिक वाढ झाल्याने दमाणी यांनी 'एचसीएल'चे शिव नाडर (१६.५ अब्ज डॉलर), उदय कोटक (१४.९ अब्ज डॉलर), गौतम अदानी (१४.१ अब्ज डॉलर) आणि लक्ष्मीनिवास मित्तल (१२.१ अब्ज डॉलर) यांना मागे टाकले. देशातील पहिल्या क्रमांकाचे धनाढ्य व्यक्ती असणाऱ्या मुकेश अंबानी यांची एकूण संपत्ती ५७.४ अब्ज डॉलर आहे.
१४ फेब्रुवारीला दमाणी यांच्या संपत्तीत एकूण ९६ दशलक्ष डॉलरची (६७५ कोटी रुपये) भर पडली. दमाणी परिवाराने अॅव्हेन्यू सुपरमार्टमधील २.२८ टक्के हिस्सेदारी विकण्याची घोषणा केली. त्यामुळे शुक्रवार कंपनीच्या समभागाचे मूल्य २५९९ रुपयांच्या आजवरच्या उच्चतम पातळीवर पोहोचले. देशातील प्रमुख सुपरमार्केट चेन असणाऱ्या 'डी मार्ट'चे संचलन अव्हेन्यू सुपरमार्केटतर्फे केले जाते. वर्षभरात अव्हेन्यू सुपरमार्केटच्या समभागाच्या किमतीत ३१ टक्क्यांनी वाढ झाली असून, कंपनीचे बाजारमूल्य ३६,००० कोटी रुपयांच्या घरात पोहोचले आहे. सध्या कंपनीचे बाजारमूल्य विप्रो, ओएनजीसी, अल्ट्राटेक सिमेंट आणि एचडीएफसी लाइफ इन्शुरन्स या कंपन्यांच्या बाजारमूल्यापेक्षा अधिक आहे. २१ मार्च २०१७ या दिवशी अॅव्हेन्यू सुपरमार्टची शेअर बाजारात नोंदणी झाली. १४ फेब्रुवारीला कंपनीचे एकूण बाजारमूल्य १.६० लाख कोटी रुपयांवर पोहोचले. गेल्या तीन वर्षांत कंपनीच्या समभागात २९० टक्क्यांची वाढ नोंदविण्यात आली आहे.
समभागात ३५ टक्के वाढ
चालू वर्षात आजपावेतो अॅव्हेन्यू सुपरमार्टच्या समभागात ३५ टक्क्यांची वाढ नोंदविण्यात आली आहे. गुंतवणूकदाराने मार्च २०१७मध्ये कंपनीने सादर केलेल्या आयपीओमध्ये १ लाख कोटी रुपयांचे समभाग खरेदी केले असते, तर आजच्या घडीला त्यांची किंमत ८.३१ लाख कोटी रुपयांवर गेली असती.
कंपनीचे १९६ स्टोअर्स
सद्यस्थितीत अॅव्हेन्यू सुपरमार्ट हे देशातील आघाडीचे आणि नफ्यातील रिटेल स्टोअर आहे. सध्या देशात १९६ डीमार्ट स्टोअर्स आहेत.
शेअर बाजारातील यशस्वी गुंतवणूकदार अशी ख्याती मिळवलेले आणि अव्हेन्यू सुपरमार्केटचे संस्थापक राधाकिशन दमाणी यांनी देशातील दुसऱ्या क्रमांकाचे धनाढ्य व्यक्ती होण्याचा बहुमान पटकावला आहे. त्यांची एकूण संपत्ती १७.८ अब्ज डॉलरवर पोहोचली आहे, असे 'फोर्ब्ज'च्या 'रिअल टाइम बिलिनिअर्स इंडेक्स'मध्ये नमूद करण्यात आले आहे.
गेल्या आठवड्यात अव्हेन्यू सुपरमार्केटच्या समभागात ५ टक्क्यांहून अधिक वाढ झाल्याने दमाणी यांनी 'एचसीएल'चे शिव नाडर (१६.५ अब्ज डॉलर), उदय कोटक (१४.९ अब्ज डॉलर), गौतम अदानी (१४.१ अब्ज डॉलर) आणि लक्ष्मीनिवास मित्तल (१२.१ अब्ज डॉलर) यांना मागे टाकले. देशातील पहिल्या क्रमांकाचे धनाढ्य व्यक्ती असणाऱ्या मुकेश अंबानी यांची एकूण संपत्ती ५७.४ अब्ज डॉलर आहे.
१४ फेब्रुवारीला दमाणी यांच्या संपत्तीत एकूण ९६ दशलक्ष डॉलरची (६७५ कोटी रुपये) भर पडली. दमाणी परिवाराने अॅव्हेन्यू सुपरमार्टमधील २.२८ टक्के हिस्सेदारी विकण्याची घोषणा केली. त्यामुळे शुक्रवार कंपनीच्या समभागाचे मूल्य २५९९ रुपयांच्या आजवरच्या उच्चतम पातळीवर पोहोचले. देशातील प्रमुख सुपरमार्केट चेन असणाऱ्या 'डी मार्ट'चे संचलन अव्हेन्यू सुपरमार्केटतर्फे केले जाते. वर्षभरात अव्हेन्यू सुपरमार्केटच्या समभागाच्या किमतीत ३१ टक्क्यांनी वाढ झाली असून, कंपनीचे बाजारमूल्य ३६,००० कोटी रुपयांच्या घरात पोहोचले आहे. सध्या कंपनीचे बाजारमूल्य विप्रो, ओएनजीसी, अल्ट्राटेक सिमेंट आणि एचडीएफसी लाइफ इन्शुरन्स या कंपन्यांच्या बाजारमूल्यापेक्षा अधिक आहे. २१ मार्च २०१७ या दिवशी अॅव्हेन्यू सुपरमार्टची शेअर बाजारात नोंदणी झाली. १४ फेब्रुवारीला कंपनीचे एकूण बाजारमूल्य १.६० लाख कोटी रुपयांवर पोहोचले. गेल्या तीन वर्षांत कंपनीच्या समभागात २९० टक्क्यांची वाढ नोंदविण्यात आली आहे.
समभागात ३५ टक्के वाढ
चालू वर्षात आजपावेतो अॅव्हेन्यू सुपरमार्टच्या समभागात ३५ टक्क्यांची वाढ नोंदविण्यात आली आहे. गुंतवणूकदाराने मार्च २०१७मध्ये कंपनीने सादर केलेल्या आयपीओमध्ये १ लाख कोटी रुपयांचे समभाग खरेदी केले असते, तर आजच्या घडीला त्यांची किंमत ८.३१ लाख कोटी रुपयांवर गेली असती.
कंपनीचे १९६ स्टोअर्स
सद्यस्थितीत अॅव्हेन्यू सुपरमार्ट हे देशातील आघाडीचे आणि नफ्यातील रिटेल स्टोअर आहे. सध्या देशात १९६ डीमार्ट स्टोअर्स आहेत.