वृत्तसंस्था, मुंबई
रिझर्व्ह बँकेतर्फे उद्या, बुधवारी (८ फेब्रुवारी) द्वैमासिक पतधोरण आढावा सादर करण्याची शक्यता आहे. या पार्श्वभूमीवर ‘आरबीआय’ व्याजदर ‘जैसे थे’ ठेवण्याची शक्यता असल्याचे मत काहींनी व्यक्त केले असून, काही अर्थतज्ज्ञांच्या मते बँकेतर्फे व्याजदरात पाव टक्का घट होण्याची शक्यता आहे.
बँकेने व्याजदरात कपात केल्यास ही सर्वसामान्यांसाठी ‘गुड न्यूज’ ठरण्याची शक्यता आहे. व्याजदरात आणखी कपात झाल्यास कर्जदारांच्या सर्वप्रकारच्या ईएमआयमध्ये आणखी घट होण्याची शक्यता आहे.
काही अर्थतज्ज्ञांच्या मते एकीकडे नोटाबंदीनंतर देशभरातील बँकांकडे मोठ्या प्रमाणात रोकड भरणा झाला आहे. तर, दुसरीकडे जागतिक बाजारात कच्च्या तेलाच्या दरातील वाढीमुळे महागाईत तेल पडण्याची शक्यता आहे.
या परिस्थितीत भविष्यातील परिस्थितीचा अंदाज घेऊन रिझर्व्ह बँक व्याजदर ‘जैसे थे’ ठेवण्याची शक्यता आहे. जानेवारीत सेवाक्षेत्राने सलग तिसऱ्यावेळेस मान टाकली आहे आणि अशा परिस्थितीत रिझर्व्ह बँक पतधोरण आढाव्यात कडक उपाययोजनांची अंमलबजावणी करण्याचीही शक्यता आहे. नोटाबंदीच्या घोषणेनंतर देशभरातील जनतेने जुन्या नोटा जमा केल्याने बँकांकडे मोठ्या प्रमाणात रोख रक्कम जमा झाली होती. तरीही ७ डिसेंबरमध्ये जाहीर पतधोरण आढाव्यात व्याजदरात कोणतीही घट करण्यात आली नव्हती.
बँका आणि उद्योगांकडून रेपो दरात घट करण्याची मागणी सातत्याने करण्यात येत आहे. मात्र, रिझर्व्ह बँकेचे गव्हर्नर उर्जित पटेल यांच्या नेतृत्त्वाखालील सहा सदस्यीय समिती आठ फेब्रुवारीला कडक उपाययोजना करण्याची शक्यता आहे. कच्च्या तेलाच्या दरात सातत्याने वाढ होत आहे, तसेच अमेरिकेचे अध्यक्ष डोनाल्ड ट्रम्प यांच्याकडून स्वीकारण्यात येणाऱ्या कडक भूमिकांमुळे आगामी काळात देशावर होणाऱ्या परिणामांचा विचार करता, व्याजदर घटण्याची शक्यता कमीच आहे, असे मत या अभ्यासकांनी व्यक्त केले.
रिझर्व्ह बँकेतर्फे उद्या, बुधवारी (८ फेब्रुवारी) द्वैमासिक पतधोरण आढावा सादर करण्याची शक्यता आहे. या पार्श्वभूमीवर ‘आरबीआय’ व्याजदर ‘जैसे थे’ ठेवण्याची शक्यता असल्याचे मत काहींनी व्यक्त केले असून, काही अर्थतज्ज्ञांच्या मते बँकेतर्फे व्याजदरात पाव टक्का घट होण्याची शक्यता आहे.
बँकेने व्याजदरात कपात केल्यास ही सर्वसामान्यांसाठी ‘गुड न्यूज’ ठरण्याची शक्यता आहे. व्याजदरात आणखी कपात झाल्यास कर्जदारांच्या सर्वप्रकारच्या ईएमआयमध्ये आणखी घट होण्याची शक्यता आहे.
काही अर्थतज्ज्ञांच्या मते एकीकडे नोटाबंदीनंतर देशभरातील बँकांकडे मोठ्या प्रमाणात रोकड भरणा झाला आहे. तर, दुसरीकडे जागतिक बाजारात कच्च्या तेलाच्या दरातील वाढीमुळे महागाईत तेल पडण्याची शक्यता आहे.
या परिस्थितीत भविष्यातील परिस्थितीचा अंदाज घेऊन रिझर्व्ह बँक व्याजदर ‘जैसे थे’ ठेवण्याची शक्यता आहे. जानेवारीत सेवाक्षेत्राने सलग तिसऱ्यावेळेस मान टाकली आहे आणि अशा परिस्थितीत रिझर्व्ह बँक पतधोरण आढाव्यात कडक उपाययोजनांची अंमलबजावणी करण्याचीही शक्यता आहे. नोटाबंदीच्या घोषणेनंतर देशभरातील जनतेने जुन्या नोटा जमा केल्याने बँकांकडे मोठ्या प्रमाणात रोख रक्कम जमा झाली होती. तरीही ७ डिसेंबरमध्ये जाहीर पतधोरण आढाव्यात व्याजदरात कोणतीही घट करण्यात आली नव्हती.
बँका आणि उद्योगांकडून रेपो दरात घट करण्याची मागणी सातत्याने करण्यात येत आहे. मात्र, रिझर्व्ह बँकेचे गव्हर्नर उर्जित पटेल यांच्या नेतृत्त्वाखालील सहा सदस्यीय समिती आठ फेब्रुवारीला कडक उपाययोजना करण्याची शक्यता आहे. कच्च्या तेलाच्या दरात सातत्याने वाढ होत आहे, तसेच अमेरिकेचे अध्यक्ष डोनाल्ड ट्रम्प यांच्याकडून स्वीकारण्यात येणाऱ्या कडक भूमिकांमुळे आगामी काळात देशावर होणाऱ्या परिणामांचा विचार करता, व्याजदर घटण्याची शक्यता कमीच आहे, असे मत या अभ्यासकांनी व्यक्त केले.