आरकॉमचा समभाग ३५ टक्क्यांनी कोसळला

मुंबई : अनिल अंबानी यांच्या रिलायन्स कम्युनिकेशन्स या कंपनीचा समभाग सोमवारी तब्बल ३५ टक्क्यांनी कोसळला. देणेकऱ्यांचे ४६ हजार कोटी रुपयांचे कर्ज फेडण्यात अपयशी ठरलेल्या या कंपनीने कर्जमुक्त होण्यासाठी दिवाळखोरीच्या प्रक्रियेत सहभागी होण्याचा निर्णय घेतला आहे. या पार्श्वभूमीवर सोमवारी या कंपनीच्या समभागांची मोठ्या प्रमाणावर विक्री झाली. यामुळे या समभागाच्या मूल्यात कमालीची घसरण झाली. ३५ टक्क्यांनी घसरलेल्या या समभागाचे मूल्य ७.५५ रुपयांपर्यंत घटले. अनिल अंबानी यांच्या रिलायन्स पॉवर, रिलायन्स कॅपिटल, रिलायन्स इन्फ्रास्ट्रक्चर, रिलायन्स नेव्हल आदी कंपन्यांचे समभागही गडगडले.