तुम्हीसुद्धा मूनलाइटिंग करण्याचा विचार करताय? साइड इन्कमवर किती भरावा लागतो टॅक्स माहितेय का?

नवी दिल्ली : आजकाल जॉब मार्केटमध्ये मूनलाईट पॉलिसीबद्दल बरीच चर्चा रंगली आहे. एकाच वेळी दोन नोकऱ्या करण्याबाबत अनेक कंपन्यांनी मवाळपणा दाखवला आहे, तर अनेक कंपन्यांनी याला उघड विरोध केला आहे. मात्र जर तुम्ही मूनलाइट पॉलिसी अंतर्गत दुसरे काम (मूनलाइटिंग) केले तर तुम्हाला अतिरिक्त आयकर भरावा लागेल का? याबाबत जाणून घेणार आहोत.

मूनलाइटिंग म्हणजे काय?
नवीन पिढीच्या टेक आणि आयटी कंपन्यांच्या कर्मचाऱ्यांमध्ये मूनलाइट पॉलिसीचा सर्वाधिक उल्लेख केला जात आहे. अनेक सॉफ्टवेअर व्यावसायिक या ट्रेंडकडे नवीन संधी म्हणून पाहत आहेत, तर अनेकांच्या मनातही चिंता आहे. सोप्प्या भाषेत बोलायचे तर मूनलाइटिंग म्हणजे आधीच कुठेतरी काम करत असताना एका साइड उत्पन्न किंवा इतरत्र काम करणे.

'सेकंड जॉब' करणाऱ्यांनो लक्ष द्या! मूनलाइटिंग प्रकरणात TCSने लाखो कर्मचाऱ्यांसाठी मजबूत संदेश पाठवला
साइड इन्कमवर टॅक्स
आता आपण मूनलाइटिंगद्वारे मिळणाऱ्या साइड इन्कम बद्दल बोलूया. जर तुम्ही पगारदार कर्मचारी असाल तर तुम्हाला आयकर रिटर्न फॉर्म ITR-1 भरावा लागेल. जर तुमचे उत्पन्न फ्रीलांसिंग कामातून असेल तर तुम्हाला आयटीआर-४ फॉर्म भरावा लागेल, कारण ही मिळकत प्रोफेशनमधील मिळकत मानली जाते.

Wipro कर्मचाऱ्यांसाठी महत्त्वाची माहिती! आयटी दिग्गज कंपनीकडून वर्क फ्रॉम होम बंदची घोषणा
कोणत्या खर्चावर तुम्ही कर वाचवू शकता
जेव्हा तुम्ही फ्रीलांसिंग कामातून पैसे कमावता, तेव्हा ही चूक कधीही करू नका जेणेकरून तुमची संपूर्ण कमाई उत्पन्न म्हणून दर्शवेल. फ्रीलान्सिंगमधून कमाई करणारे लोक त्यांच्या उत्पन्नाचा एक भाग खर्च म्हणून देखील दाखवू शकतात. तुम्हाला फ्रीलांसिंग काम करण्यासाठी लागणारे खर्च असे दाखवू शकतात, पण यासाठी तुमचे एकूण फ्रीलान्सिंग उत्पन्न ५० लाखांपेक्षा जास्त नसावे. यामध्ये डेटा शुल्क, वीज वापरण्याची वाजवी किंमत, सॉफ्टवेअर आणि इतर साधनांसाठी सदस्यता शुल्क इत्यादींचा समावेश असू शकतो. एखादी व्यक्ती करपात्र उत्पन्न म्हणून त्याच्या एकूण फ्रीलान्सिंग उत्पन्नाच्या ५० टक्के पर्यंत उत्पन्नाचा दावा करू शकते.

मूनलाइटिंग प्रकरणात दिग्गज IT कंपनीची मोठी कारवाई, ३०० कर्मचाऱ्यांवर बेरोजगारीची कुऱ्हाड
मूनलाइटिंगवर किती कर लागेल?
एका अहवालानुसार जर तुम्ही तुमच्या पगाराच्या नोकरीसह मूनलाईट करत असाल, तर तुम्ही तुमची दुसरी नोकरी म्हणजे फ्रीलान्स उत्पन्नाची तिमाही आधारावर गणना केली जाईल. TDS चे क्रेडिट भरल्यानंतर जर तुमची टॅक्स स्लॅबनुसार कोणतीही जबाबदारी असेल, तरच तुम्हाला अतिरिक्त आयकर भरावा लागेल, असे नसल्यास कोणताही कर भरावा लागणार नाही. उदाहरणार्थ जर तुमचे फ्रीलान्सिंग उत्पन्न १६ लाख रुपये असेल तर तुम्ही तुमचे करपात्र उत्पन्न रुपये ८ लाख दाखवू शकता. अशा परिस्थितीत, जर तुमचे वेतन २० लाख रुपये असेल तर तुमचे एकूण उत्पन्न २८ लाख रुपये असेल. एवढेच नाही तर जर तुमचे एकूण उत्पन्न रु. २८ लाख असेल, तर तुम्हाला आयकर कायद्यानुसार ८०सी आणि ८०डी अंतर्गत सूट देखील मिळेल.