वृत्तसंस्था, मुंबई
मुंबई शेअर बाजाराच्या निर्देशांकामध्ये मंगळवारी एकाच सत्रातील महिनाभरातील सर्वाधिक घसरण होत असताना रिलायन्स इंडस्ट्रीजच्या समभागाने मात्र विक्रमी कमाई केली. मुंबई शेअर बाजाराचा निर्देशांक ६२३ अंकांनी घसरून ३६९५८वर स्थिरावला. सेन्सेक्सची गेल्या महिनाभरातील एकाच सत्रातील ही सर्वाधिक घसरण ठरली. राष्ट्रीय शेअर बाजाराच्या निर्देशांकाने १८३ अंकांच्या आपटीसह १०९२५चा तळ गाठला. बाजाराचे नेतृत्व करणारा रिलायन्स इंडस्ट्रीजचा समभाग मात्र या पडझडीतही १२ टक्क्यांनी वधारला. बाजार बंद होताना या समभागाने १० टक्क्यांची वृद्धी साधली व तो १,२७५वर स्थिरावला.
पडझडीस कारण की...
अमेरिका व चीनमधील निरंतर व्यापारसंघर्षाची गुंतवणूकदारांनी धास्ती घेतली. याशिवाय देशांतर्गत मंदावलेली अर्थव्यवस्था आणि विविध क्षेत्रांमधील घटलेली मागणी यामुळे गुंतवणूकदारांनी समभागविक्रीस पसंती दिली. येस बँक, महिंद्रा अँड महिंद्रा, बजाज फायनान्स, भारती एअरटेल, एचडीएफसी, मारुती सुझुकी, टाटा स्टील, एल अँड टी आदी कंपन्यांचे समभाग १०.३५ टक्क्यांनी कोसळले. क्षेत्रनिहाय विचार करता टेलिकॉम, वाहन उद्योग, वित्त, कॅपिटल गुड्स, ऊर्जा, उद्योग, आयटी आदींचे समभाग ४.३४ टक्क्यांनी घसरले.
रिलायन्सची उसळी
बाजारात या प्रकारे पडझडीचे चित्र दिसत असताना रिलायन्स इंडस्ट्रीजच्या समभागाने मात्र अपेक्षेनुसार दमदार कामगिरी नोंदवली. या कंपनीचे अध्यक्ष मुकेश अंबानी यांनी सोमवारी झालेल्या कंपनीच्या वार्षिक सर्वसाधारण सभेमध्ये गिगा फायबरसह अनेक सकारात्मक घोषणा केल्याने या समभागास प्रचंड मागणी होती. रिलायन्सला येत्या १८ महिन्यांत कर्जमुक्त करणे व सौदी अरामको कंपनीस इंधन व रसायन उद्योगांतील २० टक्के हिस्सा विकणे या अंबानी यांच्या निर्णयामुळे गुंतवणूकदारांमध्ये उत्साह होता. हा समभाग वगळता अन्य कोणत्याही समभागास मंगळवारी फारशी मागणी नव्हती. या समभागाने एकाच सत्रात साधलेली ही गेल्या १० वर्षांतील सर्वाधिक वृद्धी ठरली.
रुपयाचा नीचांक
अमेरिकी डॉलरच्या तुलनेत भारतीय रुपयाची मंगळवारी तब्बल ६२ पैशांनी घसरण झाली. यामुळे रुपयाचा विनिमय दर ७१.४०पर्यंत घसरला असून रुपयाचा हा सहा महिन्यांतील नीचांक ठरला.
मुंबई शेअर बाजाराच्या निर्देशांकामध्ये मंगळवारी एकाच सत्रातील महिनाभरातील सर्वाधिक घसरण होत असताना रिलायन्स इंडस्ट्रीजच्या समभागाने मात्र विक्रमी कमाई केली. मुंबई शेअर बाजाराचा निर्देशांक ६२३ अंकांनी घसरून ३६९५८वर स्थिरावला. सेन्सेक्सची गेल्या महिनाभरातील एकाच सत्रातील ही सर्वाधिक घसरण ठरली. राष्ट्रीय शेअर बाजाराच्या निर्देशांकाने १८३ अंकांच्या आपटीसह १०९२५चा तळ गाठला. बाजाराचे नेतृत्व करणारा रिलायन्स इंडस्ट्रीजचा समभाग मात्र या पडझडीतही १२ टक्क्यांनी वधारला. बाजार बंद होताना या समभागाने १० टक्क्यांची वृद्धी साधली व तो १,२७५वर स्थिरावला.
पडझडीस कारण की...
अमेरिका व चीनमधील निरंतर व्यापारसंघर्षाची गुंतवणूकदारांनी धास्ती घेतली. याशिवाय देशांतर्गत मंदावलेली अर्थव्यवस्था आणि विविध क्षेत्रांमधील घटलेली मागणी यामुळे गुंतवणूकदारांनी समभागविक्रीस पसंती दिली. येस बँक, महिंद्रा अँड महिंद्रा, बजाज फायनान्स, भारती एअरटेल, एचडीएफसी, मारुती सुझुकी, टाटा स्टील, एल अँड टी आदी कंपन्यांचे समभाग १०.३५ टक्क्यांनी कोसळले. क्षेत्रनिहाय विचार करता टेलिकॉम, वाहन उद्योग, वित्त, कॅपिटल गुड्स, ऊर्जा, उद्योग, आयटी आदींचे समभाग ४.३४ टक्क्यांनी घसरले.
रिलायन्सची उसळी
बाजारात या प्रकारे पडझडीचे चित्र दिसत असताना रिलायन्स इंडस्ट्रीजच्या समभागाने मात्र अपेक्षेनुसार दमदार कामगिरी नोंदवली. या कंपनीचे अध्यक्ष मुकेश अंबानी यांनी सोमवारी झालेल्या कंपनीच्या वार्षिक सर्वसाधारण सभेमध्ये गिगा फायबरसह अनेक सकारात्मक घोषणा केल्याने या समभागास प्रचंड मागणी होती. रिलायन्सला येत्या १८ महिन्यांत कर्जमुक्त करणे व सौदी अरामको कंपनीस इंधन व रसायन उद्योगांतील २० टक्के हिस्सा विकणे या अंबानी यांच्या निर्णयामुळे गुंतवणूकदारांमध्ये उत्साह होता. हा समभाग वगळता अन्य कोणत्याही समभागास मंगळवारी फारशी मागणी नव्हती. या समभागाने एकाच सत्रात साधलेली ही गेल्या १० वर्षांतील सर्वाधिक वृद्धी ठरली.
रुपयाचा नीचांक
अमेरिकी डॉलरच्या तुलनेत भारतीय रुपयाची मंगळवारी तब्बल ६२ पैशांनी घसरण झाली. यामुळे रुपयाचा विनिमय दर ७१.४०पर्यंत घसरला असून रुपयाचा हा सहा महिन्यांतील नीचांक ठरला.